بىزدە قر پرەزيدەنتىنىڭ جانىنداعى قازاقستاننىڭ ستراتەگيالىق زەرتتەۋلەر ينستيتۋتى دەگەن قۇرىلىم بارىن بىلەرسىز. سول ينستيتۋتتىڭ ساراپشىسى مۇرات لاۋمۋلين «ەكسپەرت-ونلاين» باسىلىمىنا بەرگەن سۇحباتىندا «ۇلتشىل-پاتريوتتار مەن يسلامشىل ساياساتكەرلەردىڭ ىمىراعا كەلۋىنە جول بەرمەۋ كەرەك» دەگەن پىكىر ايتىپ قالىپتى. بىلە ءجۇرىڭىز، بىزدەگى ساياساتتىڭ ۇلى ماقساتى دا وسى كورىنەدى. ءلاۋمۋلليننىڭ لەك-لەك ويىنا لايىقتالساق، وتانىمىزدا يسلام وپپوزيتسياسى پايدا بولسا، قازىرگى قورقىنىشىمىز ونىڭ قاسىندا ويناماي قالادى ەكەن.  سوندىقتان لاۋمۋللين: «ولار ءار تىلدە سويلەپ، ءتۇرلى قۇندىلىقتارعا ءتاۋ ەتىپ جۇرسە، ياكي بىرەۋ اللا تاعالاعا، بىرەۋ تاڭىرگە سەنىپ، ەندى بىرەۋى نوماديزم، بىرەۋى تاياۋ جانە ورتالىق شىعىسپەن بىرىگۋ تۋرالى ءسوز ساپتاپ جۇرسە، ءبىزدىڭ كوڭىلىمىز تىنىش بولادى. ەگەر ولار ورتاق ءتىل تاۋىپ كەتسە، ىشكى ساياسي تۇراقتىلىعىمىز ءۇشىن ونىڭ  سالدارى اۋىر بولادى»، - دەپ ءسوزدىڭ تۋراسىنا كوشىپتى. ءجۋرناليستىڭ «ولار ورتاق ءتىل تابا الا ما؟» دەگەن ساۋالىنان «ارى قاراي نە بولارىن بىلمەيمىن» دەپ جالتارىپتى. شىنى كەرەك، ساياسي عىلىمداردىڭ دوكتورى، پروفەسسور دەگەن دارداي اتاعىن م.لاۋمۋللين شەتەل تاقىرىبىنداعى زەرتتەۋلەرىمەن سۇيسىندىرەتىن. باگاجىنا ءبىلىمنىڭ الۋانىن بوكتەرىپ العان. بىراق سول ءبىلىمىن ايلاعا، زىميان قۋلىققا جۇمساپ، از قازاقتىڭ ءىشىن الاتايداي ءبۇلدىرۋدى كوزدەپ جۇرگەن ادامنان نە ءۇمىت، نە قايىر؟.. تەگىندە بۇنداي ادامنىڭ بۇلىڭ-پۇشپاعىن، قالتارىس-بۇلتارىسىن ءبىلىپ جۇرگەن ءجون.

بىزدە قر پرەزيدەنتىنىڭ جانىنداعى قازاقستاننىڭ ستراتەگيالىق زەرتتەۋلەر ينستيتۋتى دەگەن قۇرىلىم بارىن بىلەرسىز. سول ينستيتۋتتىڭ ساراپشىسى مۇرات لاۋمۋلين «ەكسپەرت-ونلاين» باسىلىمىنا بەرگەن سۇحباتىندا «ۇلتشىل-پاتريوتتار مەن يسلامشىل ساياساتكەرلەردىڭ ىمىراعا كەلۋىنە جول بەرمەۋ كەرەك» دەگەن پىكىر ايتىپ قالىپتى. بىلە ءجۇرىڭىز، بىزدەگى ساياساتتىڭ ۇلى ماقساتى دا وسى كورىنەدى. ءلاۋمۋلليننىڭ لەك-لەك ويىنا لايىقتالساق، وتانىمىزدا يسلام وپپوزيتسياسى پايدا بولسا، قازىرگى قورقىنىشىمىز ونىڭ قاسىندا ويناماي قالادى ەكەن.  سوندىقتان لاۋمۋللين: «ولار ءار تىلدە سويلەپ، ءتۇرلى قۇندىلىقتارعا ءتاۋ ەتىپ جۇرسە، ياكي بىرەۋ اللا تاعالاعا، بىرەۋ تاڭىرگە سەنىپ، ەندى بىرەۋى نوماديزم، بىرەۋى تاياۋ جانە ورتالىق شىعىسپەن بىرىگۋ تۋرالى ءسوز ساپتاپ جۇرسە، ءبىزدىڭ كوڭىلىمىز تىنىش بولادى. ەگەر ولار ورتاق ءتىل تاۋىپ كەتسە، ىشكى ساياسي تۇراقتىلىعىمىز ءۇشىن ونىڭ  سالدارى اۋىر بولادى»، - دەپ ءسوزدىڭ تۋراسىنا كوشىپتى. ءجۋرناليستىڭ «ولار ورتاق ءتىل تابا الا ما؟» دەگەن ساۋالىنان «ارى قاراي نە بولارىن بىلمەيمىن» دەپ جالتارىپتى. شىنى كەرەك، ساياسي عىلىمداردىڭ دوكتورى، پروفەسسور دەگەن دارداي اتاعىن م.لاۋمۋللين شەتەل تاقىرىبىنداعى زەرتتەۋلەرىمەن سۇيسىندىرەتىن. باگاجىنا ءبىلىمنىڭ الۋانىن بوكتەرىپ العان. بىراق سول ءبىلىمىن ايلاعا، زىميان قۋلىققا جۇمساپ، از قازاقتىڭ ءىشىن الاتايداي ءبۇلدىرۋدى كوزدەپ جۇرگەن ادامنان نە ءۇمىت، نە قايىر؟.. تەگىندە بۇنداي ادامنىڭ بۇلىڭ-پۇشپاعىن، قالتارىس-بۇلتارىسىن ءبىلىپ جۇرگەن ءجون. ويتكەنى ول الاڭدا..، اندا-مىندا جۇرگەن كوپتىڭ ءبىرى ەمەس، الىنشە ەلىمىزدىڭ ىشكى جانە سىرتقى ساياساتىنا وراي ساراپشىنىڭ ويىن ايتىپ، پىكىر ءبىلدىرىپ، ءجون-جوبا نۇسقاي الاتىن اتى دارداي ينستيتۋتتىڭ بەلدى مامانى ەمەس پە؟ الدە الگى  ينستيتۋت قازاق قوعامىنا قارسى جۇمىس ىستەۋ ءۇشىن قۇرىلعان قۇرىلىم با؟ بىزگە وسىنى انىقتاۋ كەرەك بولىپ تۇر.

وركەن كەنجەبەك،

«اباي-اقپارات»