كسرو-دا 1935 جىلدىڭ اقپانىنان 1941 جىلدىڭ 22 ماۋسىمى ارالىعىندا 19 ملن 840 مىڭ ازامات "حالىق جاۋى" دەپ تۇتقىندالىپ، ونىڭ 7 ملن 133 مىڭى اتىلعان. بۇل رەسەي فسب-ءسىنىڭ رەسمي مالىمەتى.

ياعني بەيرەسمي تۇردە، اقيقاتىندا ول بىرنەشە ەسە كوپ دەگەن ءسوز. جۇزدەگەن حالىقتىڭ اسىل ازاماتتارىن قىرىپ-جويىپ، قانمەن تۇرعىزىلعان پاسىق يمپەريا بولماعاندا، قازاقتىڭ سانى بۇگىندە بالكىم كەمى 60-70 ملن بولار ما ەدى؟ قانشاما تۇركى حالىقتارى ازات ەل بولىپ وتىرار ما ەدى؟ وتكەندى وزگەرتۋ مۇمكىن ەمەس. بىراق كەلەشەكتى وزگەرتۋگە بولادى.

ول ءۇشىن ۇلتتىق تاريحتى بارىنشا دامىتۋ كەرەك، وقىتۋ كەرەك. زۇلىمدىقتى ۇنەمى ايىپتاپ، اشىق ايتۋ مىندەتتى. بۇرىنعىنىڭ كەيپىنە تۇسپەۋ ءۇشىن، بوداندىقتىڭ قامىتىن تاقپاۋ ءۇشىن ءبىلىم مەن عىلىمدى دامىتىپ، ۇلتتىق رۋحتى سەرپىلتۋ اسا ماڭىزدى.

اسحات حاسەنعالي

Facebook-تەگى پاراقشاسىنان