رەسەي بەلارۋس اۋە جولاۋشىلارىنا باقىلاۋ ەنگىزدى
15 مامىردان باستاپ رەسەيدە بەلارۋستەن كەلەتىن جانە كەتەتىن ءۇشىنشى ەلدىڭ ازاماتتارىنا قاتىستى شەكارالىق باقىلاۋ كۇشىنە ەندى. ەكى ەل اراسىنداعى رەيستەر اۋەجايدىڭ حالىقارالىق سەكتورىنا اۋىستىرىلعان دەپ حابارلايدى ريا نوۆوستي.
جاڭا ەرەجە ەگەر وتىرعىزۋ تالوندارىن ساقتاعان جاعدايدا، رەسەيلىك جانە بەلارۋس ازاماتتارىنا قاتىستى بولمايدى. مينسك بولسا رەسەيمەن اراداعى رەيستەرگە شەكارالىق باقىلاۋ بولمايدى دەپ مالىمدەدى.
1 اقپاندا رەسەيدىڭ فسب باسشىسى الەكساندر بورتنيكوۆ رەسەي مەن بەلارۋس اراسىنداعى شەكارادان ارنايى ايماق قۇرۋدى تاپسىرعان. رەسەي بيلىگى بۇل شارا ەكى ەل ازاماتتارىنا كەدەرگىسىن تيگىزبەيدى دەپ مالىمدەگەن.
9 قاڭتاردا بەلارۋس ەۋرووداق جانە اقش ەلى كىرەتىن 80 ەلدىڭ ازاماتتارىنا بەس كۇنگە دەيىن ۆيزاسىز رەجيم ەنگىزگەننەن سوڭ، رەسەي ارنايى ايماق قۇراتىنىن ايتقان.
اباي-اقپارات
