قازاقستان رەسپۋبليكاسى مادەنيەت جانە سپورت مينيسترلىگى

تىلدەردى دامىتۋ جانە قوعامدىق-ساياسي جۇمىس كوميتەتى

«قازاقستان رەسپۋبليكاسىندا تىلدەردى دامىتۋ مەن  قولدانۋدىڭ
2011-2020 جىلدارعا ارنالعان مەملەكەتتىك باعدارلاماسى» اياسىندا سلاۆيان جازبالارى مەن مادەنيەتى كۇندەرىن وتكىزەدى. شارا 23 مامىر كۇنى استانا قالاسىنداعى، كەنەسارى كوشەسى، 39 ۇيدە ورنالاسقان رەسەي عىلىمى مەن مادەنيەتى ورتالىعىندا وتەدى دەپ كۇتىلۋدە.

شارا بارىسىندا سلاۆيان جازبالارىن زەرتتەۋشى جەتەكشى عالىمدار سلاۆيان جازبالارىنىڭ ءتۇرلى اسپەكتىلەرى، سلاۆيان تىلدەرىنىڭ بۇگىنگى احۋالى بويىنشا ءوزارا پىكىر الماسادى، سونداي-اق وزەكتى  ماسەلەلەردى زەرتتەۋ مەن بىرلەسە شەشۋدىڭ جولدارى قاراستىرىلادى.

شاراعا قازاقستان حالقى اسسامبلەياسى مەن مادەنيەت جانە سپورت مينيسترلىگىنىڭ وكىلدەرى، قازاقستانداعى سلاۆيان جانە تۇركى مەملەكەتتەرىنىڭ وكىلەتتى ەلشىلەرى، قازاقستاندىق جانە شەتەلدىك جەتەكشى عالىمدار،  ەتنو-مادەني بىرلەستىك جانە باق وكىلدەرى قاتىسادى.

شارا اياسىندا «تۇركى-سلاۆيان قاتىناسىنداعى ءتىل جانە ادەبيەت: قازىرگى زامان كوزقاراسى» اتتى حالىقارالىق عىلىمي-پراكتيكالىق كونفەرەنتسيا وتكىزىلەدى. شارا سلاۆيان جازبالارى مەن مادەنيەتى كۇنىنە ارنالعان كونتسەرتتىك باعدارلامامەن اياقتالادى. كونتسەرت استانا قالاسى، جەلتوقسان ك-ءسى.، 11 ۇيدە ورنالاسقان م.گوركي اتىنداعى مەملەكەتتىك اكادەميالىق ورىس دراما تەاترىندا ساعات 18:30-دا باستالادى.

اباي-اقپارات