اعىمداعى جىلدىڭ ماۋسىم ايىنان باستاپ ازاماتتار ونلاين-جۇيەسىندە ايىپپۇل تولەپ، ۇشۋعا قويىلعان شەكتەۋدى بىردەن الىپ تاستاي الادى. بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا «ازاماتتار ءۇشىن ۇكىمەت» مەملەكەتتىك كورپوراتسياسىنىڭ باسقارما توراعاسى ابىلايحان وسپانوۆ ءمالىم ەتتى، دەپ حابارلايدى قازاقپارات.

«ەنگىزىلگەلى وتىرعان تاعى ءبىر جاقسى جاڭالىق ۇشۋعا  شەكتەۋ قويىلعان جاعدايدا ايىپپۇلدى وتەۋ ماسەلەسى بولماق. بۇگىنگى كۇنى ازاماتتار كەدەندىك باقىلاۋدان ءوتۋ بارىسىندا  ولارعا ۇشۋعا شەكتەۋ قويىلعاندىعى تۋرالى اقپاراتتىڭ بەرىلىپ جاتاتىندىعىن بىلەمىز»، - دەپ اتاپ ءوتتى كورپوراتسياسىنىڭ باسقارماسىنىڭ توراعاسى . كورپوراتسيا باسشىسىنىڭ ايتۋىنشا، وسى ماسەلەنى شەشۋگە باعىتتالعان جۇمىستار ۇزدىكسىز جۇرگىزىلىپ جاتىر. «بۇگىنگى كۇنى ادىلەت مينيسترلىگىمەن جانە «قازپوشتا» اق-ىمەن بىرلەسىپ، بۇل ماسەلە تالقىلاندى. ماۋسىم ايىنان باستاپ ازاماتتار ايىپپۇلداردى ونلاين-جۇيەسىندە بىردەن تولەۋ مۇمكىندىگىن الادى جانە ۇشۋعا قويىلعان شەكتەۋ بىردەن الىنىپ تاستالادى. بۇل قىزمەت ءتۇرىن قازپوشتا وسى جىلدىڭ ماۋسىم ايىنان باستاپ ىسكە قوسۋدى جوسپارلاپ وتىر»، - دەدى ابىلايحان وسپانوۆ.

ەستەرىڭىزگە سالا كەتەيىك،  مەملەكەت الدىندا قارىزى بار زاڭدى تۇلعالار مەن تۇرعىندار حالىقارالىق اۋەجايلارداعى تەكسەرىستەر بارىسىندا ساپارلارىن جالعاستىرا الماي كەلەدى. جوعارىداعى جايت ءىس جۇزىنە ۇلاسسا، وندا قازاقستاندىقتاردىڭ قايدا شىقسا دا "جولى بولعالى" تۇر.

اباي-اقپارات