استاناداعى ۇلتتىق اكادەميالىق كىتاپحانادا مەملەكەتتىك سىيلىقتىڭ لاۋرەاتى نەسىپبەك ايتۇلىنىڭ شىعارماشىلىعىنا ارنالعان «بوستاندىق جىرىنىڭ بوزجورعاسى» اتتى كىتاپتىڭ تانىستىرىلىمى بولىپ ءوتتى.

بۇل تۋرالى «قازاق ءۇنى» ۇلتتىق پورتالى حابارلايدى.

اتالمىش كىتاپتا نەسىپبەك ايتۇلى حاقىندا ءار جىلداردا الدىڭعى اعالارى مەن كەيىنگى ىنىلەرى جانە زامانداستارىنىڭ قالامىنان تۋعان شىنايى تولعانىستارى توپتاستىرىلعان. كىتاپقا ەنگەن ءاربىر ماقالا ادەبيەتتىڭ بۇگىنى مەن ەرتەڭىن جالعاستىرا وتىرىپ، اقىننىڭ تاۋەلسىزدىك شەجىرەسى تۋرالى تەبىرەنىستەرى بەرىلگەن.

كەشكە دارحان قىدىرالى، تۇرسىن جۇرتباي، ءامىرحان مەڭدەكە، داۋلەتكەرەي كاپ سەكىلدى ەسىمى ەلگە بەلگىلى زيالى قاۋىم وكىلدەرى قاتىستى. كەشتىڭ مودەراتورى – پروفەسسور، پۋبليتسيست، فيلولوگيا عىلىمدارىنىڭ دوكتورى نامازالى وماشەۆ بولدى.

Abai.kz