مينيسترلىك مالىمەتى بويىنشا، قازاقستاندا ءبىر ادۆوكاتقا ورتاشا ەسەپپەن شامامەن 3 900 ازامات كەلەدى. "قازىرگى تاڭدا قازاقستاندا ادۆوكاتتار جەتىسپەيدى. ولاردىڭ قازىرگى سانى ازاماتتارعا تولىقتاي زاڭ كومەگىن بەرۋگە جەتىسپەيدى", - دەپ مالىمدەدى بەكەتاەۆ پارلامەنت ءماجىلىسىنىڭ ۇكىمەت ساعاتىندا.

بەكەتاەۆتىڭ ايتۋىنشا، قازىر ادۆوكات بولعىسى كەلەتىن جاس زاڭگەرلەر ادۆوكاتتار القاسىندا التى اي بويى اقىلى تاجىريبەدەن ءوتىپ، اتتەستاتسيادان وتكەن سوڭ عانا ادۆوكاتتار ۇجىمىنا قابىلدانادى. "ادۆوكات مارتەبەسىنە يە بولۋ ءۇشىن ولار كۇردەلى سىناقتاردان ءوتىپ، شامامەن ميلليون تەڭگە تولەيدى", - دەدى مينيستر.

ونىڭ ايتۋىنشا، ادىلەت مينيسترلىگى رەسپۋبليكالىق ادكوۆاتتار القاسىمەن بىرگە العاشقى جارنا كولەمى مەن سىناق مەرزىمىن ازايتۋ ماسەلەسىن تالقىلاپ جاتىر. بەكەتاەۆتىڭ پىكىرىنشە، جاڭا وزگەرىستەر ازاماتتارعا ساپالى زاڭ كومەگىن الۋعا كومەكتەسەدى.

اباي-اقپارات