قازاق ەستراداسىنىڭ جۇلدىزدارى روزا رىمباەۆا مەن ماقپال ءجۇنىسوۆا ءارتۇرلى كەشتەردە ءان شىرقاعانى ءۇشىن قالاماقى رەتىندە 7-8 مىڭ دوللار كولەمىندە اقشا تابادى ەكەن. ال، رەسەيلىك «ا-ستدۋديو» توبىنىڭ ءان سالىپ قايتقانى 20 مىڭ دوللار تۇرسا، باتىرحان شۇكەنوۆتىڭ ءبىر ءوزى ءبىر كەشتە جارتى ساعات ءان سالعانى ءۇشىن 10 مىڭ دوللاردى قالتاعا باسىپ الىپ ىسقىرىپ ۇيىنە قايتادى ەكەن. بۇل توپقا الىبەك دىنىشەۆتە كىرەدى ەكەن.
ال، ەندى ورىس پەن قازاقتىڭ ورتاسىندا سەڭ سوققان بالىقتاي تەڭسەلگەن يا اندەرى يا وزدەرى تۇسىنىكسىز نە ايتىپ جۇرگەندەرىنە وزدەرى دە ەسەپ بەرە المايتىن ەستاندى حالدە جۇرگەن ماقپال يسابەكوۆا، ايقىن، قايرات تۇنتەكوۆ دەگەن انشىلەردىڭ انگە ۇقساس بىرنارسە شىرقاعاندارى 3-5 مىڭ تەڭگە تۇرادى ەكەن. وسى توپقا كىرەتىن الماس كىشكەنباەۆ، «ارناۋ» دۋەتى مەن «كەشيۋ» توبىنىڭ دا ءان سالعاندارى 500 دەن 3 مىڭ دوللاردىڭ ارالىعىندا ەكەن. قالعان قازاق انشىلەرى مەن توپتارىنىڭ قانشا تاۋىپ جۇرگەنى ءبىر قۇدايعا ايان.
ال، حالىقاراعا تانىمال شەتەلدىك انشىلەردىڭ تابىسىنا قاراساڭىز، قايران قالاسىز. مىسالى، لەدي گاگا مەن بريتني ءسپيرسدىڭ ايلىق تابىستارى 50 ميلليون دوللاردى قۇرايدى ەكەن. ەندى ەسەپتەي بەرىڭىز.
قايران قازاق ءانى. سەنىڭ ءحالىڭ قانداي ايانىشتى. قارا دومبىرانى ارقالاعان ءداستۇرلى انشىلەردىڭ تابىسىن ويلاي باستاساڭ، ىزالانىپ كەتەسىڭ. امال نە، ونەردى ەمەس، اقشانى الدىڭعى ورىنعا شىعارعان ءسويتىپ، ونەردى اقشا مەن اتاقتىڭ جولىندا قۇرباندىققا شالعانداردىڭ اسىعى الشىسىنان ءتۇسىپ تۇر.

قازاق ەستراداسىنىڭ جۇلدىزدارى روزا رىمباەۆا مەن ماقپال ءجۇنىسوۆا ءارتۇرلى كەشتەردە ءان شىرقاعانى ءۇشىن قالاماقى رەتىندە 7-8 مىڭ دوللار كولەمىندە اقشا تابادى ەكەن. ال، رەسەيلىك «ا-ستدۋديو» توبىنىڭ ءان سالىپ قايتقانى 20 مىڭ دوللار تۇرسا، باتىرحان شۇكەنوۆتىڭ ءبىر ءوزى ءبىر كەشتە جارتى ساعات ءان سالعانى ءۇشىن 10 مىڭ دوللاردى قالتاعا باسىپ الىپ ىسقىرىپ ۇيىنە قايتادى ەكەن. بۇل توپقا الىبەك دىنىشەۆتە كىرەدى ەكەن.
ال، ەندى ورىس پەن قازاقتىڭ ورتاسىندا سەڭ سوققان بالىقتاي تەڭسەلگەن يا اندەرى يا وزدەرى تۇسىنىكسىز نە ايتىپ جۇرگەندەرىنە وزدەرى دە ەسەپ بەرە المايتىن ەستاندى حالدە جۇرگەن ماقپال يسابەكوۆا، ايقىن، قايرات تۇنتەكوۆ دەگەن انشىلەردىڭ انگە ۇقساس بىرنارسە شىرقاعاندارى 3-5 مىڭ تەڭگە تۇرادى ەكەن. وسى توپقا كىرەتىن الماس كىشكەنباەۆ، «ارناۋ» دۋەتى مەن «كەشيۋ» توبىنىڭ دا ءان سالعاندارى 500 دەن 3 مىڭ دوللاردىڭ ارالىعىندا ەكەن. قالعان قازاق انشىلەرى مەن توپتارىنىڭ قانشا تاۋىپ جۇرگەنى ءبىر قۇدايعا ايان.
ال، حالىقاراعا تانىمال شەتەلدىك انشىلەردىڭ تابىسىنا قاراساڭىز، قايران قالاسىز. مىسالى، لەدي گاگا مەن بريتني ءسپيرسدىڭ ايلىق تابىستارى 50 ميلليون دوللاردى قۇرايدى ەكەن. ەندى ەسەپتەي بەرىڭىز.
قايران قازاق ءانى. سەنىڭ ءحالىڭ قانداي ايانىشتى. قارا دومبىرانى ارقالاعان ءداستۇرلى انشىلەردىڭ تابىسىن ويلاي باستاساڭ، ىزالانىپ كەتەسىڭ. امال نە، ونەردى ەمەس، اقشانى الدىڭعى ورىنعا شىعارعان ءسويتىپ، ونەردى اقشا مەن اتاقتىڭ جولىندا قۇرباندىققا شالعانداردىڭ اسىعى الشىسىنان ءتۇسىپ تۇر.
«استىمدا القوڭىرىم جەلمەدىڭ عوي،
قۇدايىم، سۇراعاندى بەرمەدىڭ عوي.
تالپىنىپ قانشا قانات قاقسامداعى،
قىسقا ءجىپ كۇرمەۋىمە كەلمەدىڭ عوي»، دەيتىن زار سىبىزعى مەن جەتىگەننىڭ، دومبىرا مەن قوبىزدىڭ، سازسىرناي مەن شاڭقوبىزدىڭ كومەيىنەن زاپىران بولىپ توگىلگەن زاماندا شالاجانسار ءانشىنىڭ تابىسىنا تاڭ قالۋعا بولماس. قورعانسىز ۇلتتىق مۋزىكاعا ورمانداي قورعان بولادى دەگەن ۇكىمەت توي بىتكەنگە ورىستان ءانشى الدىرىپ الەك. تاعىدا ەلگە قارايسىڭ ەگىلىپ، سۇتپەن ءبىتىپ سۇيەككە سىڭگەن ونەردى ولتىرمەس دەيسىڭ. بىراق ەل انمەن ەمەس، الەۋمەتتىك جاعدايىمەن الەك بولسا شە... وندا قايتتىك؟!

«اباي-اقپارات»