ەلباسى نۇرسۇلتان نازارباەۆ اقمولا وبلىسى اقمول اۋىلىندا ورنالاسقان «الجير» مۋزەيىندە بولىپ، ساياسي-قۋعىن سۇرگىن قۇرباندارىنا تاعزىم ەتتى، دەپ xابارلايدى قازاقپارات.

«31 مامىردا ءبىز ساياسي-قۋعىن سۇرگىن قۇرباندارىن ەسكە الامىز. رەپرەسسيا بارلىق كسرو اۋماعىندا ءوتتى. قازاقستانعا كەلەتىن بولساق، مۇندا 103 مىڭ ادام سوتتالىپ، 25 مىڭى اتىلدى. قازاق زيالىلارىنىڭ قايماعى، ەل باسشىلارى ءتۇپ-تامىرىمەن جويىلدى. ولار بارشا قازاقستان بويىنشا سالىنعان 11 لاگەردىڭ قابىرعاسىندا اۋىر ازاپتاردان كوز جۇمدى. وندا ميلليوننان استام ادام تۇتقىندا بولدى. كسرو اۋماعىنان 1,5 ميلليوننان استام ادام سولتۇستىك كاۆكازدان، كورەيادان، بالتىق ەلدەرىنەن، ۋكراينادان، رەسەيدەن قازاقستانعا جەر اۋدارىلدى. وسىلايشا، ءبىز كوپۇلتتى ەلگە اينالدىق. ولاردىڭ بارلىعىنا قازاقستان تۋعان ۇيگە اينالدى، قازاقتار قۇشاق جايا قارسى الدى. سودان بەرى باسىمىز بىرلىكتە، تاتۋلىقتا قوسىلعان ءبىر xالىققا اينالدىق. سوندىقتان بۇل وقيعانى xالقىمىز ءاردايىم جادىندا ۇستاۋى ءتيىس»، - دەدى پرەزيدەنت.   ايتا كەتەيىك، 1997 جىلدان بەرى جىل سايىن 31 مامىر قازاقستاندا ەلباسى نۇرسۇلتان نازارباەۆتىڭ جارلىعىمەن بەكىتىلگەن ساياسي قۋعىن-سۇرگىن قۇرباندارىن ەسكە الۋ كۇنى اتالىپ كەلەدى.

اباي-اقپارات