ەلباسىمىزدىڭ جولداۋىنداعى تاپسىرمالاردى ورىنداۋ ماقساتىمەن تەمىرجول سالاسىن دامىتۋ باعىتىندا سانالۋان شارالار ويداعىداي جۇزەگە اسۋدا. تاياۋدا استانادا «قازاقستان تەمىر جولى» ۇلتتىق كومپانياسىنىڭ پرەزيدەنتى ا.ءماميننىڭ توراعالىعىمەن وتكەن كونسۋلتاتيۆتىك كەڭەستىڭ وتىرىسىندا وسى باعىتتاعى اتقارىلعان جۇمىستار مەن الدا تۇرعان مىندەتتەر تۋرالى كەلەلى اڭگىمە بولدى.
كونسۋلتاتيۆتىك كەڭەستىڭ مۇشەسى ءابي سارقىنشاقوۆ حابارلاعانداي، ۇلتتىق كومپانيانىڭ بيىلعى ساتىپ الۋ جوسپارى 887 ملرد.تەڭگەنى قۇرايدى. العاشقى جارتىجىلدىقتا بارلىق ساتىپ الۋ 84 پايىز بولىپ ورىندالدى. 17 ملرد.تەڭگە قارجى ۇنەمدەلدى. ساتىپ الۋدا قازاقستاندىق ۇلەس 80 پايىزدى قۇرادى.
قازاقستاندىق ۇلەستى كوبەيتۋ جانە تەمىرجول ماشينا جاساۋ سالاسىن دامىتۋدىڭ باعدارلاماسىنا سايكەس ۇلتتىق كومپانيا وتاندىق تەمىرجول ماشينا جاساۋدىڭ كولەمىن 30 ەسە ۇلعايتۋدى كوزدەپ وتىر: 2008 جىلى 10 ملرد.تەڭگەنىڭ ءونىمى شىعارىلسا، 2015 جىلى بۇل كورسەتكىش 300 ملرد.تەڭگە بولماق. قازاقستان كاسىپورىندارىندا جاسالعان قوزعالمالى قۇراممەن تولىق قامتاماسىز ەتۋ مىندەتى تۇر. سول سياقتى تەمىرجول ماشينا جاساۋ ونىمدەرىن شىعارۋ 50-90 پايىز دەڭگەيىندە قامتاماسىز ەتىلمەك. 2015 جىلى ۇلتتىق كومپانيا ساتىپ الۋلارىندا قازاقستاندىق ۇلەس 95 پايىز دەڭگەيىندە بولۋىنا كۇش-جىگەر جۇمسالماق.

ەلباسىمىزدىڭ جولداۋىنداعى تاپسىرمالاردى ورىنداۋ ماقساتىمەن تەمىرجول سالاسىن دامىتۋ باعىتىندا سانالۋان شارالار ويداعىداي جۇزەگە اسۋدا. تاياۋدا استانادا «قازاقستان تەمىر جولى» ۇلتتىق كومپانياسىنىڭ پرەزيدەنتى ا.ءماميننىڭ توراعالىعىمەن وتكەن كونسۋلتاتيۆتىك كەڭەستىڭ وتىرىسىندا وسى باعىتتاعى اتقارىلعان جۇمىستار مەن الدا تۇرعان مىندەتتەر تۋرالى كەلەلى اڭگىمە بولدى.
كونسۋلتاتيۆتىك كەڭەستىڭ مۇشەسى ءابي سارقىنشاقوۆ حابارلاعانداي، ۇلتتىق كومپانيانىڭ بيىلعى ساتىپ الۋ جوسپارى 887 ملرد.تەڭگەنى قۇرايدى. العاشقى جارتىجىلدىقتا بارلىق ساتىپ الۋ 84 پايىز بولىپ ورىندالدى. 17 ملرد.تەڭگە قارجى ۇنەمدەلدى. ساتىپ الۋدا قازاقستاندىق ۇلەس 80 پايىزدى قۇرادى.
قازاقستاندىق ۇلەستى كوبەيتۋ جانە تەمىرجول ماشينا جاساۋ سالاسىن دامىتۋدىڭ باعدارلاماسىنا سايكەس ۇلتتىق كومپانيا وتاندىق تەمىرجول ماشينا جاساۋدىڭ كولەمىن 30 ەسە ۇلعايتۋدى كوزدەپ وتىر: 2008 جىلى 10 ملرد.تەڭگەنىڭ ءونىمى شىعارىلسا، 2015 جىلى بۇل كورسەتكىش 300 ملرد.تەڭگە بولماق. قازاقستان كاسىپورىندارىندا جاسالعان قوزعالمالى قۇراممەن تولىق قامتاماسىز ەتۋ مىندەتى تۇر. سول سياقتى تەمىرجول ماشينا جاساۋ ونىمدەرىن شىعارۋ 50-90 پايىز دەڭگەيىندە قامتاماسىز ەتىلمەك. 2015 جىلى ۇلتتىق كومپانيا ساتىپ الۋلارىندا قازاقستاندىق ۇلەس 95 پايىز دەڭگەيىندە بولۋىنا كۇش-جىگەر جۇمسالماق.
ۇلتتىق كومپانيا وتاندىق كاسىپورىندارعا 2820 ءتۇرلى تەمىرجول ءونىمىن شىعارۋدى ۇسىنسا، 43 قازاقستاندىق زاۋىت 484 ءتۇرىن يگەردى. جىل اياعىنا دەيىن بۇل كورسەتكىشتى 880-گە دەيىن جەتكىزۋ كوزدەلگەن.
ساتىپ الۋلاردا قازاقستاندىق ۇلەستى ۇلعايتۋ بويىنشا باعدارلامادا بەلگىلەنگەن ءىس-شارالار شەڭبەرىندە ۇلتتىق كومپانيا وتاندىق كاسىپورىندار نەگىزىندە تەمىرجول ونىمدەرىن شىعارۋعا تىكەلەي قاتىسادى. سولاردىڭ ىشىندە ماشينا جاساۋ مەن مەتاللۋرگيادا 12 ءىرى جوبا ىسكە اسىرىلادى.
ەلباسىمىزدىڭ تاپسىرمالارىنا سايكەس ەكىباستۇزداعى «تامان» جشس نەگىزىندە جۇك ۆاگوندارى ءوندىرىسىنىڭ ءبىرىنشى كەزەگى ىسكە قوسىلدى. مۇندا قوسىمشا 200 جاڭا ورنى اشىلدى. پايدالانۋعا بەرۋ تۋرالى مەملەكەتتىك كوميسسيانىڭ اكتىسىنە قول قويىلدى. بيىل 2500 جۇك ۆاگونىن جاسايتىن ءوندىرىس جۇمىس ىستەي باستادى. ەكىنشى ىسكە قوسۋ كەشەنى جىل اياعىنا دەيىن قولدانىسقا ەنگىزىلەدى. زاۆود قۇرىلىسىنىڭ اياقتالۋى جانە وندىرىستىك قۋاتىنا جەتكىزىلۋى 2011 جىلدىڭ 1 شىلدەسىندە بولادى دەپ كۇتىلۋدە.
بيىل 28 ماۋسىمدا وسكەمەندەگى «ۆوستوكماشزاۆود» اق-دا ءىرى ۆاگون قۇيۋ بالقىماسى شىعارىلا باستادى. وندىرىستە گەرماندىق «ۆاگنەر سينتو» كونتسەرنىنىڭ تەحنولوگياسى مەن جابدىقتارى پايدالانىلۋدا. تەحنولوگيالىق وپەراتسيالاردى مۇمكىندىگىنشە مەحانيكالاندىرۋ مەن اۆتوماتتاندىرۋعا قول جەتكىزىلەدى. قازىر وسىندا ونىمدەردىڭ ۇلگىلەرى سەرتيفيكاتسيادان وتۋدە. بۇل ءىس جىل اياعىنا دەيىن جۇرگىزىلەدى. وسىدان كەيىن جىلىنا 4000 ۆاگون-كومپلەكت شىعاراتىن وندىرىستىك قۋاتىنا جەتكىزىلەدى.

ۇلتتىق كومپانيا پاۆلودارداعى «KSP Steel» جشس نەگىزىندە ر-65 ماركالى رەلس شىعارۋ جونىندەگى جوباعا قولداۋ كورسەتۋدە. وسى جوبانى جۇزەگە اسىرۋدا بەلگىلى ءبىر قيىندىقتار جوق ەمەس. جوباعا جاپوندىق «ميتسۋي» كومپانياسى قاتىستىرىلۋدا. ونىڭ مىندەتى - يتالياندىق Danielli كومپانياسىمەن بىرگە تەحنولوگيالىق جوبالاردىڭ ءبىر بولىگىن قامتاماسىز ەتۋ. وسىعان بايلانىستى جاپونيانىڭ حالىقارالىق قىزمەتتەستىك بانكى ء(ىۆىس) جوبانى قازاقستان دامۋ بانكى ارقىلى قارجىلاندىرۋعا كەلىسىمىن بەردى. قارجىلاندىرۋ ماسەلەسى بيىلعى 1 جەلتوقسانعا دەيىن شەشىلەدى جانە ءونىمنىڭ العاشقى پارتياسى 2013 جىلى قاڭتاردا شىعارىلادى دەپ جوسپارلانعان. ءسويتىپ، 2013 جىلعى تەمىرجولدى كۇردەلى جوندەۋدەن وتكىزۋدە قازاقستاندىق ءونىم قولدانىلماق.
تاعى ءبىر جاعىمدى جاڭالىق: ەكىباستۇزدا «پرومماشكومپلەكت» جشس-تە تەمىرجول سترەلكاسىن جانە تۇتاس دوڭعالاق شىعارۋ جونىندەگى ءىرى ءوندىرىس ۇيىمداستىرىلادى. ەۋرازيا بانكى ەۋروپا قايتا قۇرۋ جانە دامىتۋ بانكىمەن بىرلەسىپ، جوبانى قارجىلاندىراتىن بولادى. ءبىرىنشى كەزەڭدە ءنوۆوسىبىر سترەلكا جاساۋ زاۋىتى، ەكىنشى كەزەڭدە اۆستريانىڭ «ۆاە» كومپانياسى ارىپتەستەر قاتارىنان تابىلماق. 2011 جىلى تەمىرجول سترەلكاسى (پوەزدى ءبىر جولدان ەكىنشىسىنە بۇرۋ ءۇشىن اۋىستىرۋ مەحانيزمى), ال 2013 جىلى ۆاگوندارعا ارنالعان تۇتاس دوڭعالاقتار شىعارىلادى. ەكەۋى دە تەمىرجول سالاسىنا اۋاداي قاجەت ونىمدەر. قازىر قازاقستاندا عانا ەمەس، تمد ەلدەرىندە بۇل ونىمدەر جەتپەي، قيىندىقتار تۋعىزۋدا.
كەڭەس وداعى ىدىراعاننان كەيىن تمد ەلدەرىندە العاشقى بولىپ ءبىزدىڭ ەلدە تەمىرجولعا قاجەت كولىك قۇرالدارى، قوسالقى بولشەكتەر جاسايتىن كاسىپورىندار قۇرىلدى. بۇل - جاقسىلىق نىشانى.
تاعى ءبىر ماڭىزدى ماسەلە، ءىرى جوبالاردى جۇزەگە اسىرۋ ءۇشىن ارينە، كوپ مەتالل كەرەك. ول جەتكىلىكتى بولا ما؟ قازىر، رەسمي دەرەكتەر بويىنشا، جىلىنا 2 ملن.توننا مەتالل سىنىعى باسقا ەلدەرگە ارزان باعامەن شىعارىلادى. وسى ءتۇيىندى ماسەلە ۇكىمەت نازارىندا بولعانى دۇرىس.
«قازاقستان تەمىر جولى» ۇلتتىق كومپانياسى ءوڭىرىمىزدى دامىتۋعا كوپ كوڭىل بولۋدە دەسەك، مۇنداي باستامالار وبلىس باسشىلىعى تاراپىنان قولداۋ تابۋدا.
ەلىمىز بويىنشا ءبىزدىڭ وبلىسىمىز - تەمىرجول ارقىلى جۇك تاسىمالداۋداعى ءىرى تۇتىنۋشى. وسى كەزگە دەيىن اتقارىلعان جۇمىستاردى يگى ىستەردىڭ باستاماسى دەۋىمىز كەرەك. وبلىسىمىزدىڭ زور الەۋەتىن ەسكەرە وتىرىپ، الداعى ۋاقىتتا بۇل ىستەردى كەڭىنەن ورىستەتۋ قاجەت دەپ ەسەپتەيمىز. مۇنداي قادامدار وبلىس ەكونوميكاسىن قارقىندى دامىتۋعا يگى اسەر ەتەتىنى انىق.

ءو.رۇستەموۆ.