كەز كەلگەن مەكتەپ وقۋلىعىن اشىپ قاراساڭىز، كوزىڭىز مىناعان تۇسەدى. احمەت بايتۇرسىنۇلى – جازۋشى، اقىن، مىرجاقىپ دۋلاتۇلى – جازۋشى، اقىن، ماعجان جۇماباەۆ – اقىن جانە جازۋشى، ءىلياس جانسۇگىروۆ – جازۋشى، اقىن جانە ت.ب. جالپى كەز كەلگەنى. ياعني تەك قانا پۋبليتسيستيكالىق قىزمەتتەرى تولىقتاي ايتىلادى دا، نەگىزگى ساياسي قايراتكەرلىك قىزمەتتەرى ايتىلمايدى. ايتىلسا ەشكىنىڭ قۇيرىعىنداي تىم قىسقا عانا.

نەگە ولار احمەتتى قازاقتىڭ باس فيلولوگى، احاڭ بولماسا بالكىم كوپتەگەن ءتىلى قۇرىپ كەتكەن حالىقتار ۇقساپ قازاقتىڭ ءتىلى دە ءولىپ قالاتىندىعىن اشىق ايتپايدى؟. نەگە احاڭدى «ءتىل پاتشاسى» رەتىندە سۋرەتتەمەيدى؟! نەگە ولار ماعجاننىڭ العاش رەت پسيحولوگيا عىلىمىن زەرتتەگەنىن، العاش بولىپ قازاق توپىراعىندا پەداگوگيكا ەڭبەگىن جازعانىن ايتپايدى، ياعني ماعجان نەگە وسى تۇرعىدان دارىپتەلمەيدى؟! نەگە مىرجاقىپتىڭ «ويان،قازاق!» تۋىندىسى تەك قانا ولەڭ رەتىندە دارىپتەلەدى. شىندىعىنا كەلگەندە ول تۇتاستاي ءبىر يدەولوگيالىق ۇران جانە قازىرگى كەزدەگى كوپتەگەن كونتسەپتسيادان كەم تۇسپەيتىن ۇلتتىق كوزقاراس ەدى.

قازىر بەيبىت زاماندا ۇران تاستاۋ وڭاي عوي، ول زاماندا ۇران تاستاۋ - ءولىم. سوندىقتان نەگە مىرجاقىپ ۇلت يدەولوگى رەتىندە ماداقتالمايدى؟!

مەنىڭ ويىمشا الاش ارىستارىن تەك قانا جازۋشى نەمەسە اقىن قىلىپ كورسەتۋ ۇلكەن ساياسات. ويتكەنى ولاردىڭ باستى ەڭبەكتەرى قازاق قوعامىنا كىتاپ جازىپ قالدىرۋ ەمەس، شىنايى تاۋەلسىز ەتۋ ەدى. ولار كىتاپ جازعانى ءۇشىن ەمەس، قايتسەم قازاقتى ازات ەتەمىن دەگەنى ءۇشىن اتىلدى. ال بۇل شىندىقتى قالايشا قازىرگى كەي جاندار ايتا السىن. ويتكەنى وزدەرى الاش ارىستارىنىڭ تىرناعىنا دا تاتىمايدى. سوندىقتان ولار الاشتىقتاردى قوعامعا تەك پۋبليتسيست ەتىپ سۋرەتتەۋگە مۇددەلى. مەنىڭ كوڭىلىم وسىنى ويلاعان سايىن قۇلازيدى.

اسحات قاسەنعالي

Facebook-تەگى پاراقشاسىنان