...ءبىزدىڭ جەتىستىككە جەتۋىمىزگە كەدەرگى كەلتىرەتىن نəرسە وتە كوپ ەكەنىن بىلەسىز بە؟ سونىڭ ءبىرى - وتكەننەن قالعان وكپە-رەنىش، وكسىك. بالا كەزدەن بۇگىنگى كۇنگە دەيىن جالعاسىپ كەلە جاتقان جالعان وي-نامىسپەن ارپالىس.

ءبىز ونى بايقامايسىز، بىلمەيسىز. كەۋدەمىزگە جينالىپ قالعان قوقىستىڭ بويىمىزدا ساسىپ تۇرعانىن سەزبەيمىز. مەنىڭ بىلۋىمشە، ونى "اۋرا" دەيدى. ويتكەنى بويىندا ىزا-رەنىشى باسىم، ومىرگە ۇنەمى رەنجىپ جۇرەتىن ادامعا "اۋراسى ناشار وسىنىڭ" دەپ تەك الىستان سəلەم بەرىپ، ونى جانىنا جاقىنداتپاۋعا تىرىسادى. سولاي ەمەس پە؟

ال كەرىسىنشە، اۋراسى تازا ادامداردىڭ بولمىس-ءبىتىمى، ءوزىن ۇستاۋى ەشكىمگە ۇقساي بەرمەيدى عوي. نەگە دەسەڭىز، ولار بىرەۋدىڭ تەرىس ەنەرگياسىن قابىلدامايدى. بىرەۋ ونى كەمسىتىپ جاتىر ما، ول جايىندا وسەك ايتىپ جاتىر ما، بالاعاتتادى ما شارۋاسى جوق. كوڭىلىنە المايدى، مəن بەرمەيدى. جəنە ءوزى بىرەۋگە ءتىل تيگىزبەۋگە بارىنشا تىرىسادى. ءوز əلەمىندە ءومىر سۇرەدى. ءوزىن عانا تəربيەلەپ، كوپكە ۇلگى بولىپ جۇرە بەرەدى. ال اينالاسىنداعىلار سوعان قاراپ ويلارىن، بويلارىن تۇزەي باستايدى.

مەنى دە تəربيەلەپ جۇرگەن اۋراسى تازا بىرنەشە قىز بار. شۇكىر ايتامىن. اللانىڭ مەنىڭ əلەمىمە جىبەرگەن ەلشىدەي كورىنەدى. بىرنəرسەنى əدەتكە اينالدىرىپ، سانامىزعا ءسىڭىرىپ الايىقشى، يə؟ ىستەگەن جاقسىلىعىمىزدى، اتقارعان يگى ءىسىمىزدى، جاقسى ويىمىزدى ەشكىمگە مىندەت ەتپەيىكشى؟ تالاپ ەتپەيىكشى؟ جاراي ما؟ ءوز ءلəززəتىمىز ءۇشىن ءومىر سۇرەيىك. بىرەۋگە بىرنəرسە دəلەلدەۋدىڭ قاجەتى جوق. ءبəرىن ساراپتاپ وتىراتىن ۇلى تورەشى - جاراتقان عانا بارىن ۇمىتپايىق.

ءمادينا ماحانبەتقىزى

Facebook-تەگى پاراقشاسىنان