الماتىدا ۇيىمداسقان قىلمىستىق توپ قۇرىقتالدى. بۇل تۋرالى قر ءىىم مەملەكەتتىك ءتىل جانە اقپارات دەپارتامەنتىنىڭ جەتەكشىسى الماس سادۋباەۆ ءوزىنىڭ الەۋمەتتىك جەلىدەگى پاراقشاسىندا جازدى.

الماس مىرزانىڭ اقپارىنا سۇيەنسەك، بۇرىندارى قۇقىق قورعاۋ سالاسىندا (پوليتسيا، نوراتيۋس) قىزمەتتە بولعان ازاماتتار الگى قىلمىستىق توپتىڭ مۇشەسى بولىپتى.

"قر ءىىم الماتىداعى ۇيىمداسقان قىلمىستىق توپتى قۇرىقتادى. ونىڭ قۇرامىندا نوتاتيۋسى بار، بۇرىنعى پوليتسەيلەرى بار، باسقاسى بار بارلىعى 20-دان استام ادام بولعان. ولار جالعىز باستى قارت كىسىلەردى ءولتىرىپ، ولاردىڭ پاتەرلەرىن زاڭسىز ساۋدالاپ وتىرعان", - دەپ جازادى ءىىم وكىلى الماس سادۋباەۆ.

سادۋباەۆ مىرزانىڭ "فەيسبۋكتەگى" پاراقشاسىنداعى جازباسىنان ۇققانىمىز - تەرگەۋ جۇمىستارى جۇرگىزىلىپ جاتىر. بەلگىلى بولعانداي ۇستالعاندار ءىز-ءتۇسسىز جوعالىپ كەتكەن دەگەن ازاماتتاردىڭ 4 بىردەي پاتەرىن ساتىپ جىبەرىپتى. ال كۇدىكتىلەر ءدال وسىنداي جولمەن 45 پاتەردى ساتقان بولۋى مۇمكىن. قىلمىستىق توپتىڭ بارلىق مۇشەلەرى قازىر تۇتقىندا وتىر ەكەن.

Abai.kz