جاپونيا يمپەراتور اكيحيتونىڭ تاقتان باس تارتۋى جونىندەگى زاڭدى قابىلدادى
جاپونيا پارلامەنتىنىڭ جوعارعى پالاتاسى جۇما كۇنى يمپەراتور اكيحيتونىڭ تاقتان باس تارتۋى جانە بيلىكتى تاق مۇراگەرىنە بەرۋ جونىندەگى زاڭدى قابىلدادى.
قابىلدانعان قۇجاتقا سايكەس، بۇل پروتسەسس ءۇش جىل كولەمىندە جۇزەگە اسادى. زاڭ تەك قازىرگى مونارحقا عانا قاتىستى.
بىلتىر تامىز ايىندا حالقىنا جولداۋىندا 83 جاستاعى يمپەراتور اكيحيتو دەنساۋلىعىنا جانە جاسىنا بايلانىستى تاقتى ءوزىنىڭ مۇراگەرى، ۇلكەن ۇلى، حانزادا نارۋحيتوعا بەرۋگە نيەتتى ەكەنىن جەتكىزگەن.
بۇل جاپونيا تاريحىندا سوڭعى 200 جىلدا ءوز ەركىمەن تاقتان باس تارتقان ءبىرىنشى وقيعا بولىپ تۇر. بيلىكتى بەرۋ ءراسىمى كەلەسى جىلدىڭ اياعىندا بولادى دەپ كۇتىلەدى.
وسىنىڭ الدىندا زاڭ جوباسىن پارلامەنتتىڭ تومەنگى پالاتاسى ماقۇلداعان.
اباي-اقپارات
