تسيتسەرون: ء"بىلىمدى - وقىعانىنا، كورگەنسىز - تاجىريبەسىنە سۇيەنەدى".
ىلگەرىدە، "تۋعان" بولا ما، الدە - "تۋىلعان" بولا ما دەپ، ءبىراز دۇرلىگىپ العان ەدىك. وسىنداي ساتتەر - قانشامىزدىڭ ءبىلىم جەتپەي قالعان جەردە قيسىندى قوساتىنىمىزدى كورسەتكەن. ال ءبىلىم ارقاشان قيسىندى ەمەس.
"تۋعان" دەۋ - قيسىنعا سالساڭ ارينە، ماسقارا ءىس. بارلىعىمىز، جىنىسىمىزعا قاراماستان دۇنيە ەسىگىن جۇكتى بولىپ اشىپ، تۋا سالا... تۋعان بولامىز با، ءتۇرى جامان بەينە تۇزىلەدى ايتەۋىر. ال ەندى، "اتادان تۋعان ۇل" دەگەندى انايىلىقتىڭ شەگى دەۋگە بولادى. سوسىن-داعى قيسىنسۇيگىشتەردىڭ بۇيرەگى "تۋىلعانعا" بۇردى.
بۇل جالعىز بىزدە ەمەس. ايتالىق، ومبىلىق - "وميچ" ەمەس، "ومچانين", ءتىپتى " ومسكيچ" بولۋى كەرەك. ماسكەۋلىكتى - "موسكۆاۆەتس", الدە " موسكۆاچ" دەگەن قيسىنعا كەلەر ەدى (بۇل تۋرالى رەسەيلىك ديزاينەر لەبەدەۆتىڭ پوستى دا بار). دەگەنمەن، ءبىلىمنىڭ ءوز زاڭدارى بار. جانە ول قيسىننان الدەقايدا الىس بولادى.
قيسىن راحات: ەشتەڭە جاتتاماي، ماسەلەنىڭ ءمانىن بىردەن ءتۇسىنۋ مۇمكىندىگى ەرىنشەك ادامدى ەلىتەدى. ال ءبىلىم الۋ سونداي ءىش پىستىرارلىق ءىس.
الايدا ءبىلىمسىز اتتاپ باسا المايسىڭ. قيسىنمەن ءبىراز جەرگە دەيىن جەتۋگە بولادى. ءبىلىمنىڭ شەتى كورىنگەنگە دەيىن. امالسىز كەرى قايتۋعا تۋرا كەلەتىنى جامان.
ەرلان وسپان
Facebook-تەگى پاراقشاسىنان
