رەسەي مەن تۇركيا "شلي" دوستاسىپ بارا جاتىر
رەسەي مەن تۇركيانىڭ "شلي" دوستاسىپ بارا جاتقانىنا اقش الاڭداپ وتىرعان كورىنەدى. بۇل تۋرالى اناۋ-مىناۋ ەمەس، شەندى ءھام شەكپەندى رەكس تيللەرسون (مەمحاتشى) ايتىپتى.
ء"بىزدىڭ "يسلام مەملەكەتىن" تالقانداۋ ءۇشىن سيريادا اسكەري جوسپارىمىزدى قالاي جۇزەگە اسىراتىنىمىزعا بايلانىستى تۇركيانىڭ باسى قاتىپ وتىر", - دەپتى ول. بۇعان دەيىن اقش-تىڭ كۇرد وتريادتارىنا قارۋ جەتكىزىپ بەرۋىن تۇركيا سەپەراتيستىك تەررورلىق ارەكەت دەپ باعالاعان ەدى.
مەمحاتشىنىڭ ايتۋىنشا، قازىرگى كەزدە ۆاشينگتون مەن انكارا اراسىندا پروبلەمالىق شارۋالارعا قاتىستى كەلىسسوزدەر وتە جوعارعى دەڭگەيدە جۇرگىزىلىپ جاتىر.
ال 3 مامىر كۇنى پۋتين داعدارىستان كەيىنگى رەسەي مەن تۇركيا قارىم-قاتىناسىن قالپىنا كەلتىرۋ كەزەڭى اياقتالدى دەگەن ەدى.
* * *
ەگيپەت پارلامەنتى ساۋد ارابياسىنا تيران جانە سانافير ارالدارىن بەرۋ تۋرالى شەشىم قابىلدادى. قىزىل تەڭىزدەگى ارالدارىن ساۋدتارعا سىيلاۋدى ەگيپەت حالقى ءجون كورمەي، قىزۋ قارسىلىق ءبىلدىرىپ جاتىر. وسىعان بايلانىستى كايردە پوليتسەيلەر مەن دەمونسترانتتار اراسىندا قاقتىعىس تا بولعان. بىراق، بۇل ارالداردى بەرۋ تۋرالى كەلىسىم سوناۋ 2016 جىلدىڭ ساۋىرىندە جاسالىپ قويعان.
* * *
تۇركيانىڭ سىرتقى ىستەر ءمينيسترى كاتارعا كەلىپ، اسكەري بازالارىن كىرگىزۋ تۋرالى سويلەسۋدە. 2016 جىلدىڭ 10 قاراشاسىنداعى كەلىسىمگە سايكەس تۇرىك بازاسى كاتار جەرىنەن ورىن تەبۋى ءتيىس. تۇركيا تاراپى وسى ارەكەتى ارقىلى اراب تۇبەگىندەگى تىنىشتىقتى ساقتاۋعا اتسالىسامىز دەپتى. سەندەر اتسالىسساڭدار، بىزدەر ءپىل سالىسامىز دەپ اناۋ جاقتا اقش وتىر.
اباي ايماعانبەتوۆ
Facebook-تەگى پاراقشاسىنان
