25 جىلدان بەرى بىزدە الىپ-ساتۋ دامىدى.تىم قۇرىسا، بالالاردىڭ كيىمىن تىگۋ قولىمىزدان كەلمەگەنىنە قالاي قىنجىلمايسىڭ؟ سىرتتان اعىلعان قىتاي، تۇركيا، قىرعىزستان، ەندى سولارمەن بىرگە سورەلەردى وزبەكتىڭ تاۋارلارى جاۋلاپ بارادى. سونىمەن الىپساتارلار قالتامىزدى قانشا تەڭگەگە قاعىپ ءجۇر؟

بۇعان بۇرىن-سوڭدى مəن بەرمەيتىن ەدىم. دەگەنمەن سوعان وزىمشە ەكسپەريمەنت جاساۋعا بەل بۋدىم. ۇلىما اياق كيىم ىزدەدىم. 32 -ءشى جازدىق اياق كيىم ءۇيدىڭ ماڭىنداعى دۇكەندەردە 14 -16 مىڭ تەڭگە. اتاكەنتتە دە سونداي باعا. اتاكەنتتەگى 16 مىڭ تەڭگەلىك اياق كيىمدى 40 پايىز جەڭىلدىكپەن ساتىپ الۋ ءۇشىن تاعى ەكى تاۋار الۋعا كەڭەس بەردى. تەرىدەن جاسالعان، قىسقاسى ماقتاۋىن كەلىستىرگەن اياق كيىمنىڭ جەڭىلدىكپەن قۇنىن ارى-بەرى ەسەپتەپ، ەكى كيىم الىپ، 17-20 تەڭگەنى شىعىنداۋ كەرەكتىگىن ءتۇسىندىم. ەندى دəل سول اياق كيىمدى باراحولكاداعى "راحات " دەگەن بازاردا ساتۋشى 6 مىڭ تەڭگەگە بەرەمىن، بۇدان ارزاندى تاپپايسىڭ دەپ، باسىمدى شىر اينالدىردى. بىرىنشىدەن ءتۇسى ۇناعان جوق. ەكىنشىدەن ساتۋشىنىڭ ء"وزىم تاۋاردىڭ يەسىمىن، قازىر ساۋدا جوق، ارزانعا وتكىزىپ جاتىرمىن" دەپ جارماسقانى. ودان مəدەنيەتتى تۇردە باس تارتىپ، بازاردى ونشا بىلمەسەم دە شارلادىم. سەندەلىپ، الاتاۋ-2 دەگەن ساۋدا ۇيىنە كىردىم. ساتۋشى 16 مىڭ تەڭگەنىڭ اياق كيىمىن 3 مىڭ تەڭگە دەگەندە سوزىنە سەنبەي تاعى سۇرادىم. بىلتىر 8 مىڭ تەڭگەگە جەڭىلدىكپەن العان ۇلىمنىڭ اياعىنداعى تəپەشكەسىن دە 3 مىڭ تەڭگەدەن ساتىپ جاتىر. دۇكەنگە بىلتىر سوندا 5 مىڭ تەڭگەنى كəسىپكەر كەلىنشەكتىڭ əدەمى سوزدەرى ءۇشىن تاستاپ كەتكەن جوقپىن. الىپساتار ەكەنىن ەندى ءبىلدىم. ەسەسىنە بۇگىن 6500 تەڭگەگە ەكى جازدىق اياق كيىم الدىم.

ەندى وكىنىپ وتىرمىن. نەگە؟

الىپساتارلىقپەن، تۇتىنۋشىلاردىڭ پسيحولوگياسىن الداپ-اربايتىن بيزنەستىڭ بولاشاعى بار ما؟ بازاردا دا، دۇكەندە دە ءوزىمىزدىڭ بەت سۇرتەتىن ورامال جوق. Əيتەۋىر سول əلگى الاتاۋ-2 دەگەن جەردەن قاراعاندىنىڭ نəسكيىن كورىپ، قۋانىپ كەتتىم. باعاسى 100 تەڭگە. 6 نəسكي الىپ ەدىم، ساتۋشى مəز بولدى. كəسىپكەرلىكتىڭ دامۋ كورسەتكىشىن ەگەر الىپ-ساتۋشىلاردىڭ تابىسىمەن ولشەسەك، وندا ءوزىمىزدى-ءوزىمىز توناۋ توقتامايدى. تاعى دا ساۋدامەن شاتاعى جوق تۇتىنۋشىنىڭ قالتاسى قاعىلادى. سوندا 25 جىلدا جەتكەن جەتىستىگىمىز دەپ اۋىز تولتىرىپ ايتۋدىڭ ءوزى ۇيات ەكەن.

جازيرا بەگالى

Facebook-تەگى پاراقشاسىنان