الماتى وبلىسىنىڭ پوليتسەيلەرى ءدال بۇگىنگى كۇنى ۋ جەگەن قاسقىر سياقتى نە ىستەرلەرىن بىلمەي الاسۇرۋدا. تالعار اۋدانى، تۇزدىباستاۋ اۋىلىنداعى قوس قىرشىننىڭ ولىمىنە بايلانىستى وزدەرىن قالاي اقتاپ الارىن بىلمەي جۇرگەندە، الاكول اۋدانىنداعى توقجايلاۋ اۋىلىندا تاعى ءبىر وقۋشى ءۇيىنىڭ شاتىرىنا شىعىپ، وزىنە قول جۇمسادى. ال مەن ايتقالى وتىرعان وقيعا تىپتەن سوراقى.

الماتى وبلىسىنىڭ پوليتسەيلەرى ءدال بۇگىنگى كۇنى ۋ جەگەن قاسقىر سياقتى نە ىستەرلەرىن بىلمەي الاسۇرۋدا. تالعار اۋدانى، تۇزدىباستاۋ اۋىلىنداعى قوس قىرشىننىڭ ولىمىنە بايلانىستى وزدەرىن قالاي اقتاپ الارىن بىلمەي جۇرگەندە، الاكول اۋدانىنداعى توقجايلاۋ اۋىلىندا تاعى ءبىر وقۋشى ءۇيىنىڭ شاتىرىنا شىعىپ، وزىنە قول جۇمسادى. ال مەن ايتقالى وتىرعان وقيعا تىپتەن سوراقى.

27 قىركۇيەك كۇنى ءۇشارال قالاسىنىڭ ورتالىق كوشەسىمەن   جارىسىپ كەلە جاتقان پوليتسيا قىزمەتكەرلەرى مىنگەن قوس اۆتوكولىكتىڭ ءبىرى جول جيەگىنە شىعىپ كەتىپ، اڭداۋسىز اڭگىمەلەسىپ تۇرعان توپتى جايپاپ ءوتىپ، جارىق بەرەتىن شامدال ورناتىلعان باعانعا سوقتىعىسادى. جول-كولىك وقيعاسىنىڭ سالدارىنان 23 جاستاعى ازات مۇراتحانوۆ پەن 26-داعى تاعى ءبىر قىرشىن جاس اسحات سەرىكباەۆ اسا اۋىر جاراقاتتار الىپ، مەنىڭ ۇلىم - اسحات سەرىكباەۆ اۋرۋحاناعا جەتكىزىلگەندە ەسىن جيماستان انا دۇنيەلىك بولدى. ولاردى باسىپ كەتكەن «اۋدي-100» اۆتوكولىگىندەگى جولاۋشىلاردىڭ ءبىرى دە جاراقاتتانادى. جول-كولىك وقيعاسىنا كۋا بولعاندار جاراقاتتانعاندارعا جاردەمدەسىپ، ابىر-سابىر بولىپ جاتقانىن پايدالانعان كىنالى جۇرگىزۋشى وقيعا بولعان جەردەن تابانىن جالتىراتادى. ال تاڭەرتەڭگىسىن اۋداندىق پوليتسيا بولىمىنە كەلگەن ازامات يماشەۆ ادام ولىمىنە اكەلىپ سوقتىرعان جول-كولىك وقيعاسىنا قاتىستى كىنانى ءوز موينىنا الادى. دەگەنمەن، وقيعاعا كۋا بولعانداردىڭ ايتۋىنشا، ادامداردى قاققان اۆتوكولىكتى ءدال سول كەزدە ازامات يماشەۆ ەمەس، ونىڭ اعاسى6 الاكول اۋداندىق ءىىب ۋاقىتشا وقشاۋلاۋ ورنىنىڭ قىزمەتكەرى عالىمبەك يماشەۆ باسقارىپ وتىرعان. تۋرا وسى پوليتسيا قىزمەتكەرىنىڭ ماشينا جۇرگىزىپ وتىرعانىن سول جەردە بولعان ونشاقتى ادام تۇگەل كورەدى.

دەگەنمەن تەرگەۋشىلەر ناقتى كۋالاردان كورگەن بىلگەندەرىن سۇراۋعا كوڭىل بولمەدى جانە ولاردىڭ ايتقانىنا بىرازعا دەيىن نازار اۋدارمادى. مۇمكىن بۇعان  اۋداندىق ءىىب باستىعى، پودپولكوۆنيك نۇرلان ءماسىموۆ (ۇكىمەت باسشىسىنىڭ ءىنىسى) باستاعان باسشىلاردىڭ جاماناتتى جالپاق جۇرتقا جاريا ەتپەۋگە جانتالاسا كىرىسۋى سەبەپ بولعان شىعار. وسىنىڭ الدىندا تاعى ءبىر پوليتسيا قىزمەتكەرى ءوزىن ءوزى ولتىرگەندە  دە وسىنداي بولىپ، اقىرى ءتارتىپ ساقشىسىن اجالعا يتەرمەلەگەن جاعدايدىڭ بەتى اشىلماي قالعان ەدى.

تەك جۋرناليستەر ارالاسقاننان، وقيعا بۇكىل ەلگە بەلگىلى بولعاننان كەيىن بارىپ، سەڭ قوزعالعانداي بولعان. وبلىستىق ءىىد باسشىلارى جول-كولىك وقيعاسىنىڭ باسىنان سوڭىنا دەيىن سول جەردە بولعان كۋالاردىڭ اتى-جوندەرىن سۇراتىپ الدىرادى. ول كەزدە بىزدەرگە عانا ەسىمى ءمالىم بولعان تىكەلەي كۋاگەر، پوليتسيا قىزمەتكەرى ازامات ولجاباەۆ تۋرالى ەشتەڭە ايتپادىق. وقيعانىڭ قالاي ءورىس الاتىنىن بايقاپ كورۋگە بەل بۋدىق. اقىرى جول-كولىك وقيعاسىن تەرگەۋ مۇلدە باسقا باعىتتا جۇرگىزىلە باستاعانىن كورىسىمەن، ازامات ولجاباەۆ ءوز ارىپتەستەرىنە - تەرگەۋشىلەرگە كوزبەن كورگەنىن ايتىپ بەردى.

«مەن ادام ولىمىنە سەبەپكەر بولعان اۆتوكولىكتىڭ ىشىندە وتىرعاندىقتان، وقيعا بولعان ساتتە اۆتوكولىكتى عالىمبەك جۇرگىزگەنىن  اشىق ايتامىن. ونىمەن قاتار وتىرعان مەن عالىمبەكتىڭ باسىنان جاراقات العان اياعى اۋىر كەلىنشەگىن اۋرۋحاناعا اكەتتىم. سوندىقتان وقيعانىڭ ودان كەيىن قالاي باعىت العانىن  بىلمەيمىن»، - دەيدى كۋاگەر.

الايدا، وبلىستىق ءىىد تەرگەۋشىلەرى ارىپتەستەرىنىڭ ايتقانىنا سەنىمسىزدىك ءبىلدىردى. ونى جالعان كۋاگەرلىككە قاتىستى جاۋاپكەرشىلىكپەن قورقىتقان. اۆدوكاتتار مەن جابىرلەنۋىشى جاقتىڭ تالابىنان سوڭ كۋالار تالدىقورعانعا شاقىرىلىپ، ولاردان قايتا جاۋاپ الىندى.  بىراق، ءالى كۇنگە دەيىن ەشقانداي ناتيجە جوق. ال وسىنداي وقيعالارعا قاراماستان توعىز ايدىڭ قورىتىندىسى بويىنشى الاكول اۋداندىق ىشكىستەر باسقارماسى باسقالاردىڭ بارلىعىن ارتقا تاستاپ، ءبىرىنشى ورىننان ءبىر-اق شىققان. سوعان قاراعاندا، ءماسىموۆتىڭ فاميلياسىنىڭ ءوزى ءبىراز سالماق تارتاتىن سىڭايلى.  بىزدەر بولساق، ءالى كۇنگە قايعىدان قان جۇتىپ، ازاماتىمىزدىڭ اجالىنا سەبەپكەر بولعان پوليتسيا قىزمەتكەرىنىڭ جازاسىز جۇرگەنىنە جانىمىز اۋىرىپ وتىرمىز. ەگەر، وسىنداي وقيعالار ءجيى قايتالانا بەرسە، ءتارتىپ ساقشىلارىنا ءۇمىت ارتقاندى قويىپ، «قانعا - قان، جانعا - جان» دەگىزەتىن ارەكەتتەرگە بارۋعا تۋرا كەلۋى دە مۇمكىن عوي...

مارقۇم اسحاتتىڭ اكەسى - سەرىك سەرىكباەۆ.

الماتى وبلىسى، الاكول اۋدانى.

P.S. وسى ماقالانى cايتقا ورنالاستىرعالى جاتقانىمىزدا جەتكەن جەدەل حابار بويىنشا6 ءبىر جىل ىشىندە ءبىر قىزمەتكەرى ءوزىن ءوزى ولتىرگەن جانە تاعى ءبىرى ادام اجالىنا سەبەپكەر بولعان، كۇنى كەشە مەكتەپ  وقۋشىسى اسىلىپ ولگەن  الاكول اۋداندىق ءىىب باستىعى نۇرلان ءماسىموۆ وسى «قىزمەتتەرىنىڭ ارقاسى بولار» وبلىستىق ءىىد باستىعىنىڭ ورىنباسارلىعىنا تاعايىندالىپتى.