مەملەكەت قارجىسىن قولدى قىلىپ (پارا الىپ), قىزمەتتىك لاۋازىمىن اسىرا پايدالاندى دەگەن كۇدىككە ىلىنگەن ەكس-ەكونوميكا ءمينيسترى قۋاندىق بيشىمباەۆتىڭ ساتتە تاركىلەنگەن دۇنيە-مۇلكىنىڭ ءتىزىمى جاريا بولدى.

تەرگەۋ كەزىندە تىركىلەنگەن  ۇزىن-سونار تىزىمدە:

-الماتى قالاسىنداعى پاتەرى (2005 جىلى يپوتەكاعا الىپتى);

-استانا قالاسىنداعى پاتەرى (ايەل، بالا-شاعاسى تۇرىپ جاتقان ءۇي);

-تۇتقىنداعى "بولاشاقوۆەتس" بيشىمباەۆتىڭ اتا-اناسى تۇرىپ جاتقان ءۇي;

-كۇدىكتىنىڭ باۋىرىنا تيەسىلى اۆتوكولىك (2016 جىلى ساتىپ الىنعان), - بار كورىنەدى. رەسمي ءتىزىم وسىلاي كورسەتىلگەن.

ەستەرىڭىزگە سالا كەتەيىك، 2017 جىلدىڭ قاڭتار ايىنىڭ باسىندا جەمقورلىققا قارسى ۇلتتىق بيۋرو بۇرىنعى ۇلتتىق ەكونوميكا ءمينيسترى قۋاندىق بيشىمباەۆتى تۇتقىنداعان.

قۋاندىق بيشىمباەۆ "بولاشاق" باعدارلاماسىنىڭ تۇلەگى ەدى. مەملەكەتتىك ءىس باسقارۋ سالاسىنداعى ەڭ جاس باسشىلاردىڭ ءبىرى ەدى.

2016 جىلى "بايتەرەك" حولدينگىندەگى داۋدا باسى قالىپ، سول جىلدىڭ جەلتوقسان ايىندا پرەزيدەنت نازارباەۆ بيشىمباەۆتى قىزمەتىنەن بوساتقان. 2017 جىلدىڭ 13 قاڭتارى كۇنى تۇتقىندالدى.

Abai.kz