بۇگىن وبلىس اكىمى اماندىق باتالوۆ «KAZAKH INVEST» ۇك» اق باسقارما توراعاسىنىڭ ورىنباسارى ءبىرجان قانەشەۆپەن كەزدەستى. جيىندا «KAZAKH INVEST» ۇك» اق-نىڭ قىزمەتى تانىستىرىلىپ، وڭىرلىك ديرەكتورلار كەڭەسىنىڭ جەرگىلىكتى اتقارۋشى ورگاندارمەن ءوزارا قارىم-قاتىناس جۇيەسى باياندالدى، - دەپ حابارلايدى الماتى وبلىسى اكىمىنىڭ ءباسپاسوز قىزمەتى.

كەزدەسۋ بارىسىندا وبلىس اكىمى اماندىق باتالوۆ وبلىستا ينۆەستيتسيا تارتۋ باعىتىندا اتقارىلىپ جاتقان جۇمىستارعا قىسقاشا توقتالىپ ءوتتى. «قورعاس» حشىو مەن «قورعاس – شىعىس قاقپاسى» اەا بازاسىندا، ءوڭىردىڭ اۋدان، قالالارىندا قۇرىلعان يندۋستريالدى ايماقتار مەن ونەركاسىپ الاڭدارىنا ينۆەستيتسيالىق جوبالاردى ورنالاستىرۋ مۇمكىندىكتەرى جايلى ايتىپ بەردى.

- الماتى وبلىسى - ينۆەستيتسيالىق جاعىنان تارتىمدى ايماق. بۇل ونىڭ اۋماقتىق ءارى تابيعي-كليماتتىق تۇرعىداعى ەرەكشەلىگىنە بايلانىستى، سونىمەن قاتار كولىك دالىزدەرىن دامىتۋ جانە ينۆەستيتسيا تارتۋعا جاسالعان جاعدايلار مەن ءىس-شارالاردىڭ ناتيجەسى. ينۆەستورلارمەن جۇرگىزىلگەن جۇمىستىڭ ارقاسىندا وتكەن جىلدىڭ وزىندە 25 مىڭ جۇمىس ورنى اشىلدى، - دەدى ا. باتالوۆ.

مۇنان سوڭ «KAZAKH INVEST» ۇك» اق قىزمەتىنىڭ جانە وڭىرلىك ديرەكتورلار كەڭەسىنىڭ جەرگىلىكتى اتقارۋشى ورگاندارمەن ءوزارا قارىم-قاتىناس جۇيەسىنىڭ تانىستىرىلىمىن اكتسيونەرلىك قوعامنىڭ باسقارما توراعاسىنىڭ ورىنباسارى ءبىرجان قانەشەۆ باياندادى. ونىڭ ايتۋىنشا، «KAZAKH INVEST» ۇك» اق مەملەكەت باسشىسىنىڭ تاپسىرماسى بويىنشا قازاقستان رەسپۋبليكاسى ۇكىمەتىنىڭ قاۋلىسىمەن قازاقستان رەسپۋبليكاسىنا شەتەلدىك ينۆەستورلاردى تارتۋ جونىندەگى وپەراتور رەتىندە قۇرىلعان. كومپانيانىڭ باستى مىندەتتەرىنىڭ ءبىرى – وڭىرلىك ينۆەستيتسيا كارتاسىن  قالىپتاستىرۋ، ءاربىر ايماقتىڭ سپەتسيفيكالىق ەرەكشەلىكتەرىن ەسەپكە الا وتىرىپ، ينۆەستورلارمەن جەكە جۇمىس جۇرگىزۋ ەكەنىن دە اتاپ ءوتتى. وسى ماقساتتا تالدىقورعان قالاسىندا جەرگىلىكتى جەرلەردەگى ينۆەستورلارمەن جۇمىس ىستەۋ ءۇشىن كومپانيانىڭ وكىلدىگى اشىلماق.

جيىندى قورىتىندىلاعان وبلىس اكىمى ا. باتالوۆ الماتى وبلىسى «KAZAKH INVEST» ۇك» اق وكىلدەرىمەن بىرلەسە وتىرىپ مەملەكەت باسشىسىنىڭ ماڭىزدى تاپسىرمالارىنىڭ ءبىرى ينۆەستيتسيا تارتۋدا ايتۋلى ناتيجەلەرگە قول جەتكىزەتىندىكتەرىنە سەنىم ءبىلدىردى.

وسى كۇنى رەسمي دەلەگاتسيا الماتى وبلىسىنا جاساعان ساپارى بارىسىندا ينۆەستورلارمەن كەزدەسىپ، الماتى وبلىستىق ايماقتىق دامۋ ورتالىعىنىڭ، «جەتىسۋ» اكك» اق، تالدىقورعان قالاسىنداعى حقو جانىنداعى ينۆەستورلارعا قىزمەت كورسەتۋ ورتالىعىنىڭ جۇمىسىمەن تانىستى، سول سياقتى «تالدىقورعان» يندۋستريالدى ايماعىندا بولدى.

جالپى، قازىرگى كەزدە ايماقتا جالپى ينۆەستيتسيا كولەمى 530,9 ملرد. تەڭگە بولاتىن، 10 مىڭ جۇمىس ورنىن قۇرۋعا مۇمكىندىك بەرەتىن 63 ينۆەستيتسيالىق جوبا جۇزەگە اسىرىلۋدا. بۇلاردىڭ قاتارىندا «مارەۆەن فۋد تيان-شان» جشس، «لۋكويل لۋبريكانتس ورتالىق ازيا» جشس، «Nemish Pharma» جشس، «باۋمان» جشس، «Farm Frites» جشس سياقتى ءىرى ترانسۇلتتىق كومپانيالاردىڭ قاتىسۋىمەن جۇزەگە اسىرىلاتىن 9 جوبا بار.

Abai.kz