ءوزىن قازاقستان مۇسىلماندار وداعىنىڭ توراعاسىمەن دەپ تانىستىرىپ جۇرگەن مۇرات تەلىبەكوۆتىڭ باسى تاعى دا داۋعا قالدى.

كەشە مۇرات تەلىبەكوۆ ءوزىنىڭ "فەيسبۋك" جەلىسىندەگى جەكە پاراقشاسىندا ءبىرتۇرلى جازبا جاريالادى.

"ەرتەڭ  الماتى قالالىق اكىمشىلىك سوتىندا (تيميريازوۆ-ماركوۆ), ساعات 11:00-دە مەنىڭ سوتىم بولادى. 220 000 تەڭگە ايىپپۇل سالماقشى. قازاقستان مۇسىلماندار وداعىنىڭ تىركەۋىن پوليتسيا دۇرىس ەمەس دەپ ەسەپتەيدى ەكەن. كەلەمىن دەۋشىلەردى شاقىرامىن. كىرۋ تەگىن. تەگىن سامسا مەن مينەرالدى سۋ تاراتامىن. ءان مەن بي بولادى...", - دەپ جازدى داۋلى وداقتىڭ توراعاسى.

راسىندا مۇرات تەلىبەكوۆ مىرزانى پرەزيدەنتتىككە كانديدات دارگەيىنە دەيىن جەتەلەگەن وسى ءبىر وداقتىڭ زاڭسىز قۇرىلعاندىعى جونىندە ءبىرازدان بەرى ايتىلىپ ءجۇر.

سونىمەن تەلىبەكوۆتىڭ وداعى تىركەلگەن بە، الدە جوق پا؟ بۇگىنگى سوت قانداي شەشىم شىعاردى؟ ءبىز مۇرات تەلىبەكوۆ مىرزانىڭ وزىنەن سۇراپ بىلدىك.

"سوت شەشىمى بويىنشا 100 ايلىق ەسەپتىك كورسەتكىشتە ايىپپۇل سالدى. مەن بارلىق ءتيىستى قۇجاتتاردى كورسەتتىم. سوت پروتسەسسىنىڭ اۋانى ءبىرىنشى وتىرىسىنان كەيىن-اق، بەلگىلى بولدى. مەن پروكۋرورعا كەرى شاعىمداندىم، شەگەرىپ تاستادى. سوتقا كەرى شاعىمداندىم، ونى دا شەگەرىپ تاستادى. ءوز سوزىمدە مەن، مۇنداي جاعدايدىڭ سوت جۇيەسىن ديسكرەديتتەپ قانا قويماي، ەلىمىزدىڭ يميدجىنە نۇقسان كەلتىرەتىنىن ايتتىم", - دەدى مۇرات تەلىبەكوۆ.

ەستەرىڭىزگە سالا كەتەيىك، مۇرات تەلىبەكوۆتىڭ مۇسىلماندار وداعىنا قاتىستى داۋدىڭ ءبىرى 2011 جىلعى پرەزيدەنت سايلاۋى تۇسىندا شىققان.

2015 جىلى قازاقستان مۇسىلماندارىنىڭ ءدىني باسقارماسى ارنايى مالىمدەمە جاسادى.

ء"بىزدىڭ سۇراۋىمىز بويىنشا ءدىني باسقارماعا ادىلەت مينيسترلىگى تاراپىنان رەسمي جاۋاپ حات كەلىپ ءتۇستى. وسى حاتتا «قازاقستان مۇسىلماندار وداعىنىڭ» ۇيىم رەتىندە ەش جەردە تىركەلمەگەنى كورسەتىلگەن.

سونداي-اق، م.تەلىبەكوۆ قانداي دا ءبىر ءدىني بىرلەستىكتىڭ باسشىسى نە بولماسا مۇشەسى رەتىندە تىركەلمەگەن. وسى ورايدا، قمدب م.تەلىبەكوۆتىڭ ءوزىن «قازاقستان مۇسىلماندار وداعىنىڭ» باسشىسى رەتىندە ايتۋعا جانە تىركەلمەگەن ۇيىمنىڭ اتىنان سويلەۋگە قۇقىعى جوق دەپ سانايدى", - دەپ جازىلعان رەسمي مالىمدەمەدە.

Abai.kz