27 ماۋسىمدا بىرنەشە ەلدىڭ ەنەرگەتيكالىق، تەلەكوممۋنيكاتسيالىق كومپانيالارىنا، سونداي-اق مەملەكەتتىك ورگاندارىنا اۋقىمدى ۆيرۋستىق شابۋىل (PETYA.A شيفرلاۋشى ۆيرۋسى) جاسالدى. اتالعان ۆيرۋس ءبىرىنشى كەزەكتە ۋكراينانىڭ ۇكىمەتتىك كومپيۋتەرلەرىنە، ولاردىڭ بانكتىك جۇيەلەرىنە، سونداي-اق چەرنوبىل اەس-عا شابۋىل جاسالدى.  ەڭ ۇلكەن نۇقسان كەلتىرىلگەن ون ەلدىڭ قاتارىندا: ۋكراينا، يتاليا، يزرايل، سەربيا، ۆەنگريا، رۋمىنيا، پولشا، ارگەنتينا، چەحيا جانە گەرمانيا.

الىنعان دەرەكتەر بويىنشا زاقىمداۋ فيشينگتىك حابارلامالار (پەتيا.apx فايلى) نەمەسە M.E.doc بۋحگالتەرلىك باعدارلاماسىن جاڭارتۋلار ارقىلى جۇرگىزىلەدى. سودان كەيىن ۆيرۋس WannaCry ادىستەرىنە ۇقساس «DoblePulsar جانە EternalBlue ارقىلى» لوكالدىق جەلى بويىنشا تارايدى. ۆيرۋس كومپيۋتەرلەرى بۇعاتتاپ، بينكوينمەن 300 دوللار تولەۋدى تالاپ ەتەدى.

KZ-CERT  كومپيۋتەرلىك ينتسيدەنتتەرگە ارەكەت ەتۋ قىزمەتى ۆيرۋستىڭ قازاقستان رەسپۋبليكاسى اۋماعىندا تارالۋىنا جول بەرمەۋ ماقساتىندا سايتتا جانە الەۋمەتتىك جەلىلەردا حابارلاما جاريالادى، سونداي-اق بايلانىس وپەراتورلارىنا، «ۇات» اق مەن  استانا ەكسپو-2017 اقپارات جىبەرىلدى. قىزمەتتىڭ ۇسىنىمدارى 1024-1035, 135 جانە  445 تسر-پورتتارىن جابۋ مەن Server Message Block (SMB) جەلىسىندەگى دەرەكتەردى جىبەرۋ حاتتاماسىن اجىراتۋدى قامتيدى.

بۇدان باسقا، شيفرلاۋشى پايدالاناتىن وسالدىقتاردى جاباتىن MS17-010 جاڭارتۋدى ورناتۋدى قاتاڭ تۇردە ۇسىنىلادى.  زاقىمدالعان جاعدايدا كومپيۋتەردى اجىراتپاي، قۇرىلعىنى ينتەرنەتتەن اجىراتىپ گيبەرناتسيا رەجيمىنە اۋىستىرۋ ۇسىنىلادى.

اقپارات جانە كوممۋنيكاتسيالار مينيسترلىگىنە، سونداي-اق ۆەدومستۆولىق ۇيىمدارعا، اتاپ ايتقاندا KZ-CERT قىزمەتىنە قازاقستان رەسپۋبليكاسى اۋماعىندا كومپيۋتەرلەردىڭ زاقىمدالعانى تۋرالى اقپارات كەلىپ تۇسكەن جوق.

قازىرگى ۋاقىتتا ينتەرنەتكە قول جەتكىزۋدىڭ بىرىڭعاي شليۋزىنە قوسىلعان مەملەكەتتىك ورگانداردى اتالعان ۆيرۋستان قورعاۋ بويىنشا بارلىق قاجەتتى شارالار قولدانىلىپ جاتىر.

رەسپۋبليكاسى اقپارات جانە كوممۋنيكاتسيالار مينيسترلىگىنىڭ

«مەملەكەتتىك تەحنيكالىق قىزمەت» شجق رمك ءباسپاسوز ورتالىعى

Abai.kz