28 ماۋسىمدا استانادا «ۇركەر» ۇلتتىق سىيلىعى يەگەرلەرىن ماراپاتتاۋ ءراسىمى ءوتتى. بۇل سىيلىقتا بيىل ءساۋىر ايىندا اقپارات جانە كوممۋنيكاتسيا مينيسترلىگى تاعايىنداعان ەدى.
«ۇركەر» ۇلتتىق سىيلىعى تەلەراديو، مەرزىمدى ءباسپاسوز جانە ينتەرنەت جۋرناليستيكا سالاسىندا 15 اتالىم بويىنشا ساراپقا سالىندى. جالپى سىيلىق قورى 15 ميلليون تەڭگە بولعان «ۇركەردىڭ» جەڭىمپازدارىن انىقتاعان قازىلار قۇرامىندا قازاقستان جۋرناليستيكاسىنىڭ مەترلەرى، قوعامدىق تۇلعالار جانە ساراپشىلار بولدى.
ءسويتىپ، «ۇركەر» ۇلتتىق سىيلىعىنىڭ تۇڭعىش يەگەرلەرى انىقتالىپ، رەسمي تۇردە ماراپاتتالدى. قازنەتتەگى ۇزدىك سايت بولىپ «Massaget.kz» ينتەرنەت-پورتالى تانىلسا، وزگە اتالىمداردىڭ جەڭىمپازدارى تومەندەگىدەي ءتۇزىلدى:
«جۋرناليستيكاداعى دەبيۋت» - ءمولدىر ءيمانمادي،
«ۇزدىك فوتوگرافيا» - ەرلان وماروۆ،
«ۇزدىك ساراپتامالىق ماتەريال» - ۆالەنتينا فيرونوۆا،
«ۇزدىك رەپورتاج» - ولجاس بەركىنباەۆ،
«قازاقستان تۋرالى ۇزدىك تانىمدىق ماتەريال» - دۋمان اناش، «ەگەمەن قازاقستان»،
«ۇزدىك حالىقارالىق ساراپتامالىق ماتەريال» - زارينا احماتوۆا،
«ۇزدىك جۋرناليستتىك زەرتتەۋ» - جانبولات اۋپباەۆ،
«ۇزدىك سۇحبات» - ۆيكتوريا گوۆوركينا،
«ۇزدىك مامانداندىرىلعان باسىلىم» - «درۋجنىە رەبياتا»،
«جىلدىڭ ۇزدىك جۋرنالى» - «National Geographic Kazakhstan»،
«ۇزدىك رەسپۋبليكالىق مەرزىمدى باسىلىم» - «ايقىن» گازەتى،
«ۇزدىك ايماقتىق باسىلىم» - «رەيتينگ» گازەتى (وقو),
«ۇزدىك راديوباعدارلاما» - «ءان دومبىرا»، «شالقار» راديوسى.
«ۇزدىك ايماقتىق راديوستانتسيا» «استانا» راديوسى.
ال، «سامۇرىق-قازىنا» جىلجىمايتىن مۇلىك قورى ءوز اتىنان Informburo.kz سايتىن قازنەتتەگى ۇزدىك سايت دەپ تانىپ، ارنايى سىيلىق تابىس ەتتى.
تۇڭعىش رەت بەرىلىپ وتىرعان «ۇركەر» ۇلتتىق سىيلىعى يەگەرلەرى، ارىپتەستەرىمىزدى قۇتتىقتاپ، شىعارماشىلىق تابىس تىلەيمىز!