اكەم مارقۇم شەبەر كىسى ەدى. شەبەر ەمەس، بىراق قاراپ وتىرماي بىردەڭە ىستەپ وتىراتىن. 90-شى جىلدارى قيىنداۋ زامان بولدى عوي. كيەتىن اياقكيىم بولمادى دەگەندەي. ول كەزدە جالاڭاياق فۋتبول وينايتىن ويىن بالاسىمىز.

ءبىر كۇنى كومبايننىڭ رەمەنىن اكەلىپ بىردەڭە ىستەپ وتىر. ءبىر قاراسام رەمەننەن اياقكيىم تىگىپ قويىپتى. اناۋ ەندى مىقتى اياقكيىم. دوپتى دا تەپتىم، تاستى دا تەپتىم سونىمەن. قىستا حوككەي وينايمىز عوي. ول كەزدە قايبىر ءجوندى حوككەيدىڭ تاياعى بار دەيسىڭ. تالدان ىستەپ الىپ، ويناي بەرەتىنبىز.

ءبىر كۇنى ۇلكەن جيدە اعاشىن اكەلىپ، 2 كۇن شاپقىلادى، 2 كۇن اۋرەلەنىپ ماعان حوككەيدىڭ تاياعىن ىستەپ جاتىر ەكەن عوي. جيدە اعاشى قاتتى بولادى، سىنبايدى. سول تاياقپەن 2-3 جىل وينادىم عوي. شايبا قىپ وينايتىن جىلقىنىڭ تەزەگى مەن ۇرعاندا ۇگىتىلىپ كەتەتىن.

ۇيىقتاپ جاتقاندا ءۇستىمىز اشىلىپ قالسا جاۋىپ جۇرەتىن. اكەلىگى سەزىلىپ تۇراتىن. "ۇيادا نە كورسەڭ ۇشقاندا سونى ىلەسىڭ دەگەندەي" اكەمە اۋماي تارتقانىمدى بايقاپ ءجۇرمىن. سونداي اكەلەردىڭ تاربيەسىن كوردىك. كورگەنىمىزدى ىستەيمىز عوي.

مەنىڭ دە اكەلىك سەزىمىم كۇشتى سياقتى. بالالارىم بولسا جوق-جىتىگىن تۇگەندەپ ويىنشىق ىستەۋدەن جالىقپاس ەدىم. اتتەڭ قىزدار تيمەي ءجۇر عوي.

اكەمنىڭ تاعى ءبىر ادەتى كيىمگە قىزىقپايتىن. سوۆحوز كەزىندە ميلليونداپ تاپسا دا كيىنبەپتى. ءبىر كوستيۋم الىپ، 30 جىل كيىپتى. كيىم ىلمەيتىن ادەتى بار ەدى. ءوزى كيىم ىلگىش ىستەيدى، شەشىنگەندە كيىمدەرىن كيىمىلگىشتىڭ تۇبىنە اكەپ ءۇيىپ قوياتىن. ءوزىڭ كيىمىلگىشتىڭ قاسىنا شەشىنەسىڭ، نەگە ىلە سالمايسىڭ، ەندەشە نەگە ىستەدىڭ دەپ شەشەم سويلەپ جاتاتىن. ءاميان ۇستاپ كورمەگەن دەيدى. قانشا اقشاسى بولسا دا قالتاسىنا سالا سالاتىن. مەن دە ءاميان ۇستاپ كورمەگەنمىن. كيىمگە دە قىزىقپايمىن.

كورگەنىمىزدى ىستەيتىن ەكىنشى وقيعا ايتايىن. ءبىر تانىسىم بار. 15 جاستاي ۇلكەن. كەڭەس ۇكىمەتى كەزىندە قاتىرعانمىن دەيدى. ارتىنان سۇراستىرسام بىتىرگەن تۇگى جوق ەكەن. ءبىر فەرمادا ەسەپشى بولىپ اراق ءىشىپ قويشىلاردىڭ ايلىعىن جوعالتقان ەكەن. ۇلگى الاتىن ەشتەڭەسى جوق. سولاردان كورگەنىمىزدى ىستەپ اراق ىشتىك قوي. سولار اراق ىشپەۋى كەرەك ەدى. سوندا ءبىز دە ىشپەيتىن ەدىك. مىقتى ىشكەنمىن دەپ ماقتانادى. سول دا ماقتاناتىن نارسە مە؟. ۇلكەندەر ۇلگى بولۋى كەرەك قوي. جاستار كورگەنىن ىستەيدى. سوندايلار جاستارعا كوشە بۇزاقىسى بولۋدى عانا ۇيرەتىپتى. بار ونەگەلەرى سول. ارەڭ ارىلدىم، سوندايلاردىڭ ونەگەسىنەن.

داۋلەت سەرىكباي

Facebook-تەگى پاراقشاسىنان