استانا. 5 قاراشا. قازتاگ – جەمقورلىقپەن كۇرەستە قۇقىق قورعاۋ ورگاندارى ارانداتۋشىلىق پەن بۇقارالىق اقپارات قۇرالدارى تاراپىنان ايتىلاتىن سىندارعا بەرىلمەۋى كەرەك، دەپ پرەزيدەنت نۇرسۇلتان نازارباەۆ قازاقستان رەسپۋبليكاسىنىڭ ەكونوميكالىق جانە سىبايلاس جەمقورلىقپەن كۇرەس اگەنتتىگىنىڭ (قارجى پوليتسياسى) توراعاسى قايرات قوجامجاروۆتى قابىلداۋ بارىسىندا ءمالىم ەتتى، دەپ مەملەكەت باسشىسىنىڭ ءباسپاسوز قىزمەتى جۇما كۇنى حابارلادى.

اقپاراتتىق-باياندا كورسەتىلگەندەي، ق. قوجامجاروۆ پرەزيدەنتكە قىرجى پوليتسياسىنىڭ سىبايلاس جەمقورلىقتىڭ پايدا بولۋىنىڭ جولىن كەسۋ جانە كولەڭكەلى ەكونوميكانى بەيتاراپتاندىرۋ جونىندەگى قىزمەتى تۋرالى باياندادى.

«مەملەكەت باسشىسى الەمدىك قوعامداستىق قازاقستاننىڭ سىبايلاس جەمقورلىققا قارسى ساياساتىن جوعارى باعالايتىنىن اتاپ كورسەتتى. الايدا، وتاندىق باق-تا بۇل جۇمىس از سىنالمايدى. اتاپ ايتقاندا، سوتقا نەگىزىنەن «ۇساق شاباقتار» تارتىلادى دەگەندى جەلەۋ ەتەدى. بىراق، ءىرى فيگۋرالار ۇستالعاندا، جاپپاي قارسى تۇرۋ، قۇقىق قورعاۋ ورگاندارىن جامانداۋ، جەمقورلاردى قورعاۋ باستالادى»، - دەلىنگەن حاباردا.

استانا. 5 قاراشا. قازتاگ – جەمقورلىقپەن كۇرەستە قۇقىق قورعاۋ ورگاندارى ارانداتۋشىلىق پەن بۇقارالىق اقپارات قۇرالدارى تاراپىنان ايتىلاتىن سىندارعا بەرىلمەۋى كەرەك، دەپ پرەزيدەنت نۇرسۇلتان نازارباەۆ قازاقستان رەسپۋبليكاسىنىڭ ەكونوميكالىق جانە سىبايلاس جەمقورلىقپەن كۇرەس اگەنتتىگىنىڭ (قارجى پوليتسياسى) توراعاسى قايرات قوجامجاروۆتى قابىلداۋ بارىسىندا ءمالىم ەتتى، دەپ مەملەكەت باسشىسىنىڭ ءباسپاسوز قىزمەتى جۇما كۇنى حابارلادى.

اقپاراتتىق-باياندا كورسەتىلگەندەي، ق. قوجامجاروۆ پرەزيدەنتكە قىرجى پوليتسياسىنىڭ سىبايلاس جەمقورلىقتىڭ پايدا بولۋىنىڭ جولىن كەسۋ جانە كولەڭكەلى ەكونوميكانى بەيتاراپتاندىرۋ جونىندەگى قىزمەتى تۋرالى باياندادى.

«مەملەكەت باسشىسى الەمدىك قوعامداستىق قازاقستاننىڭ سىبايلاس جەمقورلىققا قارسى ساياساتىن جوعارى باعالايتىنىن اتاپ كورسەتتى. الايدا، وتاندىق باق-تا بۇل جۇمىس از سىنالمايدى. اتاپ ايتقاندا، سوتقا نەگىزىنەن «ۇساق شاباقتار» تارتىلادى دەگەندى جەلەۋ ەتەدى. بىراق، ءىرى فيگۋرالار ۇستالعاندا، جاپپاي قارسى تۇرۋ، قۇقىق قورعاۋ ورگاندارىن جامانداۋ، جەمقورلاردى قورعاۋ باستالادى»، - دەلىنگەن حاباردا.

« ءبىز بۇعان جول بەرمەۋگە ءتيىسپىز. «سىبايلاس جەمقورلىق تۋرالى» زاڭ قابىلداعاندا، مەن ءوز مالىمدەمدە كۇرەس قاتاڭ بولاتىنىن ەسكەرتكەنمىن. ءبىز قۇقىق قورعاۋ ورگاندارىن ءبىر-بىرىنە ايداپ سالۋ، ءبىر-بىرىنە دەگەن سەنىمىنە سەلكەۋ ءتۇسىرۋ ماقساتىنداعى بارلىق وسەك-اياڭ مەن ارانداتۋعا نازار اۋدارماستان، ونى اياعىنا دەيىن جەتكىزۋىمىز كەرەك. قۇقىق قورعاۋ ورگاندارىندا، اسىرەسە سىبايلاس جەمقورلىقپەن كۇرەستە، قالىپتى، قاتاڭ جۇمىس جۇرۋدە. بارلىعى دا ءبىزدىڭ بۇل جۇمىستى مۇلتىكسىز جۇرگىزەتىنىمىزدى تۇسىنۋگە ءتيىس»، - دەپ ايتقان پرەزيدەنت ءسوزىن ءباسپاسوز قىزمەتى كەلتىرەدى.