EXPO – 2017 حالىقارالىق ما­مان­داندىرىلعان كورمەسى تەك جاڭا تەحنولوگيالاردى تانىستىرىپ قانا قويماي، عالامدىق كليماتتىڭ جىلى­نۋى، قورشاعان ورتانى قور­عاۋ، بالاما قۋات كوزدەرىن تابۋ مەن ولاردى جەتىلدىرۋ ماسەلەلەرىن تال­قى­لايتىن الاڭ رەتىندە دە تاڭدال­عانى بەلگىلى. وسىعان بايلانىستى كور­مەنىڭ ەڭ باستى ىسكەرلىك باعدار­لاماسى رەتىندە «بولاشاقتىڭ ەنەر­گياسى» فورۋمى تاڭدالعان بولاتىن.

10-11 شىلدە كۇندەرى وسى فورۋم­نىڭ ەكىنشى كونفەرەنتسياسى «كومىر­تەگى مولشەرى تومەن تەحنو­لوگيالار جانە قالپىنا كەلتىرى­لەتىن تەحنولو­گيالىق شەشىمدەر» دەگەن تاقىرىپپەن ءوتتى، - دەپ جازادى "ايقىن" گازەتىنىڭ سايتى. اتالعان كونفەرەنتسيادا الىس-جاقىن شەتەلدەردەن كەلگەن جانە وتان­دىق عالىمدار سۋدى ۇنەمدى پايدا­لانۋ، بالاما قۋات كوزدەرىن پايدالانۋ، جاڭا تەحنولوگيالار توڭىرەگىندە پىكىر الماستى. عالىمدار بالاما قۋات كوزدە­رىمەن قاتار، سۋدى ۇنەم­دەۋ ماسەلەسىنە دە نازار اۋدارۋ قا­جەت ەكەندىگىن اتاپ ءوتتى. اسىرەسە، ورتالىق ازيا ايماعىندا بولا­شاقتا سۋ تاپ­شىلىعىنىڭ تۋىنداۋ قاۋپى جوعارى. سوندىقتان، اۋىل شا­رۋاشىلىعى جۇمىس­تارىن ءجۇر­گىز­گەندە دە، تۇرعىن­داردى اۋىز سۋمەن قامتاماسىز ەتۋدە دە سۋدى ۇنەمدەۋگە ايرىقشا نازار اۋدا­رۋ قاجەت. كونفەرەنتسيا بارى­سىندا قابىلدانعان شەشىمدەر مەن ۇسى­نىستار EXPO – 2017 حالىقارالىق مامانداندىرىلعان كورمەسىنىڭ قورىتىندى قۇجاتىنا ەنگىزىلمەك. جيىنعا ەنەرگەتيكانى تۇراقتى دامىتۋ ساياساتى ينستيتۋتىنىڭ نەگى­زىن قالاۋشى، دوكتور تەتسۋناري يدا، SolarCentury &SolarAir نەگىزىن قالاۋشى دوكتور دجەرەمي لەگگەتت ءتارىزدى عالىمدار قاتىستى.

Abai.kz