يران پرەزيدەنتىنىڭ ءىنىسىن قارجى قىلمىسى ءۇشىن ۇستادى
يران پرەزيدەنتى حاسان ءروحانيدىڭ باۋىرى حوسسەين فەرەيدۋن قارجى قىلمىسىن جاسادى دەگەن كۇدىكپەن ۇستالدى. بۇل تۋرالى حابارلاعان سوت وكىلى وعان ناقتى قانداي ايىپتار تاعىلعانىن ايتپادى.
سوت قىزمەتكەرىنىڭ سوزىنە قاراعاندا، فەرەيدۋنگە قاتىستى بىرنەشە ءىس بويىنشا تەرگەۋ جۇرىگىزىلگەن، سونىمەن بىرگە ونىڭ سىبايلاستارى ۇستالعان. ول ەل پرەزيدەنتى ءروحانيدىڭ كومەكشىسى بولىپ ىستەگەن. مەملەكەت باسشىسى بۇعان دەيىن فەرەيدۋن تەگىن وزگەرتكەن. ەلدەگى كونسەرۆاتور ساياساتكەرلەر ونى قارجى قىلمىستارىن جاساعان دەپ ايىپتاپ ءجۇر.
بيىل قاڭتار ايىندا پارلامەنتتەگى توپ فەرەيدۋندى ەكونوميكالىق قىلمىستارى ءۇشىن سوتتاۋدى تالاپ ەتتى. وسىنداي ۇسىنىس جاساۋشىلاردى سىناعاندار مۇنداي قادامنىڭ ساياسي استارى بار دەپ مالىمدەگەن.
Abai.kz
