وزبەكستاندا ميليتسيا قىزمەتكەرلەرى تەرگەۋ كەزىندە ەر ادامنىڭ اياعىن سىندىرعان
وزبەكستاننىڭ جىزاق ەلدى مەكەنىندە تۇراتىن اكمال حاسانبوەۆ "ميليتسيا قىزمەتكەرلەرى ەسىرتكى ساۋداسىنا قاتىستى كۋالىك بەرىپ، مويىنداتقىزۋ ءۇشىن اياعىمدى سىندىردى" دەپ مالىمدەدى. ەر ازاماتتىڭ ايتۋىنشا، رەزىڭكە شوقپارمەن ۇرعاننان، اياعىنىڭ سۇيەكتەرى سىنعان. الايدا جەرگىلىكتى قۇقىق قورعاۋ ورگاندارى مۇنداي وقيعا ورىن العان جوق دەيدى.
38 جاستاعى اكمالدىڭ ايتۋىنشا، 27 ماۋسىمدا ونى جەرگىلىكتى ميليتسيا قىزمەتكەرلەرى ۇستاپ، ارنايى بولىمشەگە الىپ كەتكەن.
– ميليتسيانىڭ ءتورت قىزمەتكەرى مەنى شوقپارمەن ۇردى، قينادى. ولار مەنى تۇرمەگە وتىرعىزامىز، ولتىرەمىز دەپ قورقىتتى. تەرگەۋشىلەر ەسىرتكى ساۋداسىمەن اينالىستىم دەپ كۋالىك بەرۋىمدى تالاپ ەتتى. مەن شىداي الماي، ەسىمنەن تانىپ قۇلاپ قالدىم، – دەيدى اكمال حاسانبوەۆ.
Abai.kz
