اۋعان قىزدارى اقش-تا روبوت جاساۋ جارىسىندا ماراپاتتالدى
باستاپقىدا اقش-قا ۆيزا بەرمەگەن اۋعانستاننىڭ التى قىزى كەيىننەن ۆاشينگتوندا روبوت جاساۋ حالىقارالىق جارىسىندا (FIRST Global Challenge) كۇمىس مەدال يەلەندى.
اۋعانستان كومانداسىنا قيىن جاعدايعا قاراماستان الدىنا قويعان ماقساتقا جەتە ءبىلدى دەگەن قۇرمەتپەن "ەرلىك" كۇمىس مەدالىمەن ماراپاتتادى. التىن مەدالدى وڭتۇستىك سۋداننان كەلگەن قىزدار السا، قولا مەدال ومان وقۋشىلارىنا بەرىلدى.
شىلدە ايىنىڭ باسىندا امەريكا بيلىگى مۇسىلمان ەلدەرىنىڭ وقۋشىلارىن ەلگە كىرگىزۋگە قارسى بولعان. دونالد ترامپتىڭ مۇسىلمان ەلدەرىنە ۆيزا بەرۋدى قاتاڭداتۋ ساياساتىنا قاتىستى اۋعانستاننان كەلۋشىلەرگە ۆيزا الۋ ماسەلەسى قيىنعا سوقتى. بىراق پرەزيدەنت ۇستانىمىن جۇمسارتىپ، اۋعان وقۋشىلارىن اقش-قا جىبەردى.
ناتيجەلى جەتىستىكتەرى ءۇشىن نەگىزگى التىن جۇلدەنى ەۋروپانىڭ كومانداسى السا، كۇمىس جۇلدە پولشا وقۋشىلارىنا بۇيىردى. ءۇشىنشى ورىندى ارمەنيا وقۋشىلارى يەلەندى.
جارىسقا الەمنىڭ 150 ەلىنەن وقۋشىلار قاتىستى.
Abai.kz
