استانا. 9 قاراشا. قازتاگ –اكىمدىكتىڭ سايتىندا ەلوردا تۇرعىندارى ءۇشىن ەقىۇ ءسامميتىن وتكىزۋ كەزەڭىنە ارنالعان جادىناما جاريالاندى، وندا وسى حالىقارالىق شارانى وتكىزۋگە بايلانىستى وزگەرىستەر تۋرالى ايتىلعان.

جادىنامادا ەقىۇ سامميتىنە دايىندىق اياسىندا استانا قالاسى ءماسليحاتىنىڭ شەشىمىمەن 2010 جىلعى 1-2 جەلتوقسان دەمالىس كۇندەرى بولىپ جاريالانىپ، بۇل ۋاقىت جۇمىس كۇندەرى رەتىندە 2010 جىلعى 27-28 قاراشاعا اۋىستىرىلعانى ايتىلعان. قالا مەكتەپتەرى مەن كوللەدجدەرىندە، سونداي-اق، جوعارعى وقۋ ورىندارىندا كۇزگى جانە قىسقى دەمالىس ەسەبىنەن 2010 جىلعى 29 قاراشا مەن 5 جەلتوقسان ارالىعى دەمالىس كۇندەرى بولىپ بەلگىلەندى.

29 قاراشا مەن 2 جەلتوقسان ارالىعىندا قالا بازارلارى جۇمىس ىستەمەيدى. 30 قاراشا مەن 2 جەلتوقسان ارالىعىندا دەمالىس جانە كوڭىل كوتەرۋ ورىندارى (تۇنگى كلۋبتار، بار جانە ت.ب.) شەكتەۋلى رەجيمدە جۇمىس ىستەيدى.

1-2 جەلتوقسان كۇندەرى بارلىق ىشكى اۋە رەيستەرى توقتاتىلادى. انىقتاما تەلەفوندارى: «استانا» حالىقارالىق اۋەجايى - 70-29-99, 1333.

استانا-كوكشەتاۋ، استانا-قاراعاندى، استانا-قوستاناي، استانا-پاۆلودار، استانا-قوسشى، استانا-قورعالجىن باعىتتارى بويىنشا قالادان شىعۋ ادەتتەگى رەجيمدە قالادى.

استانا. 9 قاراشا. قازتاگ –اكىمدىكتىڭ سايتىندا ەلوردا تۇرعىندارى ءۇشىن ەقىۇ ءسامميتىن وتكىزۋ كەزەڭىنە ارنالعان جادىناما جاريالاندى، وندا وسى حالىقارالىق شارانى وتكىزۋگە بايلانىستى وزگەرىستەر تۋرالى ايتىلعان.

جادىنامادا ەقىۇ سامميتىنە دايىندىق اياسىندا استانا قالاسى ءماسليحاتىنىڭ شەشىمىمەن 2010 جىلعى 1-2 جەلتوقسان دەمالىس كۇندەرى بولىپ جاريالانىپ، بۇل ۋاقىت جۇمىس كۇندەرى رەتىندە 2010 جىلعى 27-28 قاراشاعا اۋىستىرىلعانى ايتىلعان. قالا مەكتەپتەرى مەن كوللەدجدەرىندە، سونداي-اق، جوعارعى وقۋ ورىندارىندا كۇزگى جانە قىسقى دەمالىس ەسەبىنەن 2010 جىلعى 29 قاراشا مەن 5 جەلتوقسان ارالىعى دەمالىس كۇندەرى بولىپ بەلگىلەندى.

29 قاراشا مەن 2 جەلتوقسان ارالىعىندا قالا بازارلارى جۇمىس ىستەمەيدى. 30 قاراشا مەن 2 جەلتوقسان ارالىعىندا دەمالىس جانە كوڭىل كوتەرۋ ورىندارى (تۇنگى كلۋبتار، بار جانە ت.ب.) شەكتەۋلى رەجيمدە جۇمىس ىستەيدى.

1-2 جەلتوقسان كۇندەرى بارلىق ىشكى اۋە رەيستەرى توقتاتىلادى. انىقتاما تەلەفوندارى: «استانا» حالىقارالىق اۋەجايى - 70-29-99, 1333.

استانا-كوكشەتاۋ، استانا-قاراعاندى، استانا-قوستاناي، استانا-پاۆلودار، استانا-قوسشى، استانا-قورعالجىن باعىتتارى بويىنشا قالادان شىعۋ ادەتتەگى رەجيمدە قالادى.

جول قوزعالىسىنا قاتىستى 1-2 جەلتوقسان ارالىعىندا اباي، سارىارقا، تۇران، قابانباي باتىر داڭعىلدارى، سونداي-اق، سارايشىق، №1, №2 كوشەلەرىندە جانە اۋەجايعا باراتىن تاس جولدا قوعامدىق كولىك قوزعالىسى شەكتەلەتىنى ەسكە سالىنعان. سايتتا جول قوزعالىسىن شەكتەۋ سحەماسى جاريالانعان.

1-2 جەلتوقسان كۇندەرى №№ 21, 27, 35, 44, 46 باعىتتاعى اۆتوبۋستار جۇرمەيدى. №№ 12, 18, 28, 30, 40, 42, 47, 121 باعىتتاعى اۆتوبۋستار تەك قالانىڭ ەسكى بولىگىندە (وڭ جاعالاۋدا) عانا جۇرەدى، اتاپ ايتقاندا: № 12 باعدار - ءا. جانگەلدين كوشەسىنە دەيىن، № 18 باعىت - جەلتوقسان كوشەسىنە دەيىن، № 28, 30, 121 باعىتتار - رەسپۋبليكا داڭعىلى - يمانوۆ كوشەسىنە دەيىن، № 40 باعىت - تاۋەلسىزدىك داڭعىلى - مايلين كوشەسىنە دەيىن، № 42 - رەسپۋبليكا داڭعىلىنا دەيىن، № 47 باعىت - رەسپۋبليكا داڭعىلى - كولىك ايرىعىنا دەيىن. سۇراقتار تۋىنداپ جاتسا، استانا قالاسىنىڭ جولاۋشىلار كولىگى جانە اۆتوكولىك جولدارى باسقارماسىنا مىنا تەلەفوندار ارقىلى حابارلاسۋعا بولادى: 23-37-77, 55-67-45.

«ەقىءۇسامميتىن وتكىزۋ كەزىندە قوعامدىق قاۋىپسىزدىكتى قامتاماسىز ەتۋ ماقساتىندا كۇمان تۋدىراتىن زاتتارعا، كولىكتەر مەن كۇماندى تۇلعالارعا مۇقيات بولۋعا شاقىرامىز. استانا قالاسىندا ەقىۇ ءسامميتىن وتكىزۋ ەل ءۇشىن وتە ماڭىزدى»، - دەلىنگەن اكىمدىكتىڭ حابارلاماسىندا.

ەلوردا باسشىلىعى قاۋىپسىزدىك شارالارىنا تۇسىنىستىكپەن قاراۋدى سۇرايدى. سونىمەن قاتار، قانداي دا ءبىر لاڭكەستىككە قاتىستى ءىس-ارەكەتتەر، ونىڭ ىشىندە جارىلۋ قۇرالدارى مەن زاتتارىنىڭ قويىلعاندىعى تۋرالى جالعان حابار بەرۋ قازاقستان رەسپۋبليكاسى قىلمىستىق كودەكسىنىڭ 242-بابىنا سايكەس زاڭمەن قۋدالاناتىندىعىن ەسكەرتەدى.