اقساي قالاسىندا يۋبەلەينايا مەن ەلەۆاتورنايا كوشەلەرىنىڭ اتاۋىن وزگەرتەۋگە قاتىستى كەزەكتى جيىن ءوتتى. بۇعان دەيىن 2014 جىلى 50 شاقتى كوشە اتاۋىن وزگەرتۋ ماسەلەسى كۇن تارتىبىنە قويىلعان بولاتىن. بىراق، ول كەزدە تۇرعىندار قارسىلىق تانىتقاندىقتان كەيىنگە قادىرىلعان ەدى. بۇعان قوسا ەلىمىزدە كوشەلەر مەن الاڭداردىڭ اتاۋىن وزگەرتۋگە قاتىستى موراتوري 2016 جىلعا دەيىن ۇزارتىلعان ەدى. بۇل تۋرالى موي گورود پورتالى حابارلادى.

بۇل جولى جيىنعا 30 شاقتى ادام قاتىسقان. ءبورلى اۋدانى اكىمى اپپاراتىنىڭ جەتەكشىسى دارحان اعەدىلوۆ ءموراتوريدىڭ الىنىپ تاستالۋىنا وراي ءمان-ماعىناسى جوق كوشە اتاۋلارىن وزگەرتۋ كەرەكتىگىن مالىمدەدى.

بىراق، بۇعان تۇرعىندار بىردەن نارازىلىق تانىتتى. بىرقاتارى ءبىز نەگە ءوز اتامىزعا كوشە سۇرامايمىز دەسە، تاعى ءبىرى ءبىر ادامنىڭ وتىنىشىنە بولا كوشەنىڭ اتاۋىن وزگەرتۋگە بولا ما ەكەن دەپ قارسى بولدى.

Abai.kz