ۇكىمەتتە «نۇرلى جول» مەملەكەتتىك باعدارلاماسى بويىنشا ينفراقۇرىلىمدىق جوبالاردى ىسكە اسىرۋ بارىسى قارالدى، - دەپ حابارلايدى اباي-اقپارات.

قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا «نۇرلى جول» ينفراقۇرىلىمدى دامىتۋدىڭ مەملەكەتتىك باعدارلاماسىن ىسكە اسىرۋدىڭ ءبىرىنشى جارتىجىلدىقتاعى ناتيجەلەرى قارالدى.

ۇلتتىق ەكونوميكا ءمينيسترى ت. سۇلەيمەنوۆ مەملەكەتتىك باعدارلامانى ىسكە اسىرۋعا 2017 جىلى 484,2 ملرد تەڭگە قاراستىرىلعانىن اتاپ ءوتتى. قاراجات كولىك-لوگيستيكالىق جانە يندۋستريالىق ينفراقۇرىلىمدى دامىتۋ، جىلۋمەن-, سۋمەن جابدىقتاۋ جانە سۋ تارتۋ، ءبىلىم بەرۋ سالاسىنىڭ ينفراقۇرىلىمىن دامىتۋ، حقۇ-مەن جوبالاردى ورتاق قارجىلاندىرۋ سەكىلدى باعىتتار بويىنشا جوبالاردى ىسكە اسىرۋعا بولىنەدى.

قر ينۆەستيتسيالار جانە دامۋ ءمينيسترى جەڭىس قاسىمبەك اۆتوجول جوبالارىن ىسكە اسىرۋ، كولىك-لوگيستيكالىق الەۋەتتى دامىتۋ جۇمىستارى، سونداي-اق، تەمىر جول ءارى اۋە كولىكتەرىندە جۇك جانە جولاۋشىلار اعىنىن ۇلعايتۋ شارالارى تۋرالى باياندادى.

جالپى، «نۇرلى جول» باعدارلاماسى اياسىندا ينفراقۇرىلىمدىق جوبالاردى كەڭىنەن جۇزەگە اسىرۋ تاسىمالداردىڭ جىلدامدىعىن ۇلعايتۋعا، كولىك شىعىندارىن تومەندەتۋگە، ترانزيتتىك الەۋەتتى ىسكە اسىرۋ مەن سەرۆيستى جاقسارتۋعا مۇمكىندىك بەرەدى. بۇل قازاقستاننىڭ الەۋمەتتىك-ەكونوميكالىق دامۋىنا، ونىمدىلىك پەن ىسكەرلىك بەلسەندىلىكتىڭ ارتۋىنا وڭ ىقپال ەتەدى.

وتىرىستا قر ءبىلىم جانە عىلىم ءمينيسترى ە. ساعاديەۆ، «سامۇرىق-قازىنا» اق باسقارما توراعاسى ءو. شوكەەۆ، قر قارجى ۆيتسە-ءمينيسترى ت. ساۆەلەۆا، «بايتەرەك» حولدينگى توراعاسىنىڭ ورىنباسارى ا. اريفحانوۆ، جامبىل جانە اقمولا وبلىستارىنىڭ اكىمدەرى ك. كوكىرەكباەۆ پەن م. مىرزالين ءسوز سويلەدى.

ماسەلەنى قاراۋ قورىتىندىسىن شىعارا وتىرىپ، قر پرەمەر-ءمينيسترى باقىتجان ساعىنتاەۆ قر ۇلتتىق ەكونوميكا مينيسترلىگىنە قر قارجى مينيسترلىگىمەن جانە باعدارلامالاردىڭ اكىمشىلەرىمەن بىرلەسىپ، بيۋدجەتتىك قاراجاتتاردىڭ ۋاقىتىلى ورىندالۋى مەن جوبالاردىڭ ىسكە اسىرىلۋىن تۇراقتى باقىلاۋدا ۇستاۋدى تاپسىردى.

Abai.kz