چارلي چاپلين دەگەن كوميك ايتقان ەكەن: "ايەل ادام كەز كەلگەن ەركەكتى ميلليونەر قىلا الادى، ەگەر ەركەك، ارينە، ميللياردەر بولسا". نەگىزى ءسوزدىڭ استارىن تۇرلىشە تۇسىنۋگە بولادى. ءبىر جاعىنان موتيۆاتسيا سياقتى كورىنگەنمەن، ەكىنشى جاعىنان سۇمدىق سىناق ەكەنىن بايقاۋعا بولادى.

تاعى ءبىر عۇلامانىڭ "ۇيلەنگەنشە - ءبىر كوزىڭدى جۇماسىڭ، ۇيلەنگەن سوڭ ەكى كوزىڭدى جۇمۋعا تۋرا كەلەدى" دەگەن ءسوزى دە بار. شىنىندا ۇيلەنگەن سوڭ كوپ جىگىت فيلوسوف بولىپ كەتەدى. نەگىزى ۇيلەنۋدى لوتەرەياعا ۇقساتامىن, بىرەۋلەردىڭ باعى بولادى، ال جاپ-جاقسى جىگىتتەردىڭ جولى بولماي جاتادى. ءبىر دوسىم ءبىر قىزعا عاشىق بولىپ قالعان، سونداعىسى "سەنى ميللياردەر قىلامىن" دەپتى. مەن دە ءدال وسىنداي سوزگە سىنىپ قالار ەدىم، كىم بىلەدى؟! قىزدىڭ جىگىتتىڭ پسيحولوگياسىن زەرتتەپ، ءدوپ تۇسەتىن ءسوز ايتقانىنا ريزا بولدىم.