فەدەراتسيانىڭ رەسمي سايتىندا ءنۇرالى اليەۆتىڭ ءبىر اۋىزدان سايلانعانى جونىندەگى اقپارات 27 شىلدەدە بەرىلگەن. قازاقستان پرەزيدەنتىنىڭ ۇلكەن نەمەرەسى، قىزى داريعا نازارباەۆانىڭ تۇڭعىش ۇلى ءنۇرالى اليەۆ 2014 جىلدىڭ جەلتوقسان ايىنان 2016 جىلدىڭ ناۋرىز ايىنا دەيىن استانا اكىمىنىڭ ورىنباسارى قىزمەتىن اتقاردى. كەيىن ول ءوز ەركىمەن بيزنەسكە كەتەتىنىن مالىمدەدى.

2016 جىلدىڭ ءساۋىر ايىندا 32 جاستاعى ءنۇرالى اليەۆتىڭ اتى-ءجونى «پاناما قۇجاتىندا» (ساياساتكەرلەر مەن بيزنەسمەندەردىڭ وففشورلى ەسەپشوتى جونىندەگى مالىمەتتەر) جاريالاندى. كەيبىر ەلدەردە بۇل ماتەريالدار ۇلكەن جانجالعا ۇلاسىپ، ساياساتكەرلەردىڭ وتستاۆكاسىمەن اياقتالعان. جۋرناليست-زەرتتەۋشىلەردىڭ حالىقارالىق كونسورتسيۋمى (ICIJ) جاريالاعان قۇجاتتار قازاقستان قوعامىندا پىكىرتالاس تۋعىزعانىمەن، بيلىك جاۋاپ بەرمەدى. باس پروكۋراتۋرا سول كەزدە قۇجاتتا جاريالانعان دايەكتەر "شىندىققا سايكەس كەلمەيدى" دەگەن.

اباي اقپارات