استانا سوتى "اۋەجايدا ءدىني ادەبيەت ساتقانى ءۇشىن" ايىپپۇل سالدى
كولىكتەگى پروكۋراتۋرا سوتپەن استانا اۋەجايىنداعى ءدىني ادەبيەتتەر ساتاتىن ورىندى جاپتىردى دەپ حابارلايدى بۇگىن كولىكتەگى ىشكى ىستەر دەپارتامەنتىنە سىلتەمە جاساعان اباي-اقپارات. دەپارتامەنت اقپاراتىنا قاراعاندا، اۋەجايداعى كىتاپ بۋتيكتەرىنىڭ بىرىندە ء"دىني مازمۇنداعى كىتاپتار ساتىلاتىنى انىقتالعان".
ء"دىني قىزمەت جانە ءدىني بىرلەستىكتەر تۋرالى" زاڭعا ساي، ءدىني ادەبيەتتەر مەن ءدىني زاتتاردى كۋلتتىك مەكەمەلەردە، ءدىني ءبىلىم بەرۋ ۇيىمدارىندا جانە جەرگىلىكتى اتقارۋشى ورگاندار بولگەن ارنايى ورىنداردا عانا ساتۋعا بولادى.
استانانىڭ مامانداندىرىلعان اۋدانارالىق اكىمشىلىك سوتى ساۋدا ورنىنىڭ يەسىن ءدىني ادەبيەتتەردى تاراتۋ تۋرالى زاڭ تالابىن بۇزدى دەپ ايىپتاپ، 200 ايلىق ەسەپتىك كورسەتكىش (شامامەن 453 مىڭ تەڭگە) كولەمىندە ايىپپۇل سالىپ، "بيزنەس-ليتەراتۋرا" ساۋدا ورنىنىڭ قىزمەتىن ۋاقىتشا توقتاتقان.
Abai.kz
