رەسەي "قىرعي-قاباق سوعىس-2" سەرياسىن باستاپ كەتكەندەي...
سىرتتاي باقىلاساڭ، رەسەيدىڭ بۇگىنگى ارەكەتى "قىرعي-قاباق سوعىس-2" سەرياسىن باستاپ كەتكەندەي.
بۇرىن اقش ەكەۋى افريكا، ازيا ەلدەرىن سوتسياليستىك، نە كاپيتاليستتىك دەپ بولسە، قازىر ءبولىس ۋكراينادا ءجۇرىپ جاتىر.
رەسەي اقش-تىڭ ديپلوماتتار سانىن قىسقارتتى (قولىنان بار كەلگەنى سول), ال اقش رەسەيلىكتەرگە ۆيزا بەرۋدى قيىنداتتى. اقش-تا 3 ملن-داي ورىس تۇرىپ جاتقانىن ەسكەرسە، وندا كرەمل ءوز حالقىن ءوزى قيناپ جاتقانىن ءتۇسىنۋ قيىن ەمەس. ەندى رەسەي پاسپورتىنان باس تارتاتىندار كوبەيسە، تاڭ قالماۋ كەرەك.
ال سانكتسيادان تۋعان كەدەيلىك، جۇمىسسىزدىق، ينۆەستيتسيانىڭ كەلمەۋى - تەك حالىققا سوققى. سول سانكتسيا باستالعالى رەسەي 55 ملرد. دوللار جوعالتتى. ەكسپەرتتەر 170 ملرد دەيدى.
بۇل سول باياعى پاتشالىقتان كەلە جاتقان يمپەرياليستىك امبيتسيانىڭ قۇنى. كورشىلەردى جاۋلاۋ، جايپاۋ.
ال باتىس دونباستاعى سوعىستى توقتاتپاي، سانكتسيا الىنبايدى دەپ وتىر.
ءبىر قىزىعى - حالقىنىڭ باسىم بولىگى وسىعان ريزا. باتىستى جامانداۋ، ءوزىن ەرەكشە ەل دەپ سەزىنۋ. بىراق ەۋروپاعا ساياحاتقا شىققاندا، ورىستار ەڭ ءجيى كەزدەسكەن تۋريست رەتىندە كورىندى. ءتىپتى، سولتۇستىكتەگى وسلودا دا قاپتاپ ءجۇر. ينتەرنەتتە "زاگنيۆايۋششي زاپاد، گەيروپا" دەپ ءماز، ال ارتىق اقشا تابىلسا، سول ەۋروپاعا قىدىرىپ، اقشاسىن سوندا تاستاپ كەتۋگە دايار.
بىراق وسىنداي مۇشكىل جاعدايىنا قاراماي، ءبىزدىڭ لاتىن الىپپەسىنە كوشۋىمىزگە قارسى (ەكسپەرتتەرى "كازاحي ۋحوديات يز رۋسسكوگو ميرا" دەپ اۋزى كوپىرگەنى ءالى ەستە), "ورتاق ۆاليۋتا ەنگىزەيىك" دەيدى... وزدەرى ايتپاقشى، "تاپىشكەمدى كۇلدىرمە"...
P.S. كەزىندە قۋاتتى كورولدىك بولعان شۆەتسيا قازىرگى جوعارى دامىعان ەلگە اينالۋ سەبەبىن ەڭ الدىمەن ءوزىنىڭ يمپەرياىق امبيتسيادان باس تارتۋىمەن تۇسىندىرەدى...
نۇرمۇحاممەد بايعاراەۆ
Facebook-تەگى پاراقشاسىنان
