بۇگىن ءۇيىمنىڭ جانىنداعى قوقىس جاشىگىنەن ەر-توقىم كوردىم. تازالىق قىزمەتكەرلەرى ادەتتەگىدەي قوقىس جيناپ ءجۇر ەكەن. قوقىس جاشىگىنەن جارتىلاي سىنعان، ەسكى، اعاش ەر شىعىپتى.

قالادا ونىڭ قايدان جۇرگەنى، وندا كىمنىڭ اپارىپ تاستاعانى بەلگىسىز. بىراق ماعان بۇل كورىنىس ۇلكەن وي سالدى. "ەرتوقىم دەگەن ءبىز ءۇشىن تەك قانا بۇيىم ەمەس قوي" دەدىم ىشىمنەن. "ول تۇتاس ءبىر تاريح. ءتىپتى ءبىزدى وسى كۇنگە جەتكىزگەن باستى دۇنيە. كوشپەندىنىڭ قاناتى ات، قارۋى قىلىش، قارىمى بىلەك ەدى. بىراق وسىنىڭ ءبىرىن دە ەرتوقىم بولماسا ۇرىس دالاسىندا دۇرىس قولدانا الار ما ەدىك؟! قايدام...

ءتىپتى وسى ەرتوقىمدى ويلاپ تاپقان دا ءبىز. قالاداعى التىن تاقتان، دالاداعى ەرتتەۋلى اتتىڭ توقىمىن ارتىق كورەتىن قازاقپىز عوي. ەسكى بولسا دا، ونى قوقىسقا تاستاۋعا بولماس" دەپ وي تۇيگەنىم سول ەدى، الگى تازالىق قىزمەتكەرىنىڭ بىرەۋى ونى ءوز ۇيىنە اپارىپ، ارى قاراي نە ىستەۋ كەرەكتىگىن اتامنان سۇرايمىن دەمەسى بار ما؟. ءوزى باي بولماسا دا، رۋحاني اقسۇيەك ەكەن. قاتتى ريزا بولدىم. قانداي قىزمەت اتقارساق تا، قازاق بولىپ قالايىق اعايىن!

اسحات قاسەنعالي

Facebook-تەگى پاراقشاسىنان