22 تامىز، سەيسەنبى كۇنى اقتوبە وبلىسىنا رف-نىڭ ۋليانوۆسك جانە ورىنبور وبلىستارىنىڭ دەلەگاتسياسى كەلدى. مەيماندار كەلگەن كۇنى بىرقاتار وندىرىستىك كاسىپورىنداردى قاراپ شىعاپ، ونەر اكادەمياسىن، سالىنىپ جاتقان جەكپە-جەك جانە جاستار سارايلارىنا باردى، - دەپ حابارلايدى Abai.kz اقپاراتتىق پورتالى.

ورىنبور وبلىسىنىڭ گۋبەرناتورى يۋري بەرگ پەن ۋليانوۆسك وبلىسى ۇكىمەتى توراعاسىنىڭ ورىنباسارى دميتري بوگدانوۆ باستاپ كەلگەن دەلەگاتسيانىڭ تاعى ءبىر ماقساتى – اقتوبە وبلىسىنىڭ اكىمى بەردىبەك ساپارباەۆتىڭ شاقىرۋىمەن  سارسەنبى كۇنى، 23 تامىزدا استانادا وتكەن «ەكسپو-2017» كورمەسىندە بولۋ.

ءۇش وڭىردەن كەلگەن دەلەگاتسيا «ەكسپو-2017» حالىقارالىق ارنايىلاندىرىلعان كورمەسىن كورۋدى رەسەي فەدەراتسياسىنىڭ پاۆيلونىنان باستادى.

ءارى قاراي قوناقتار كورمەنىڭ ساۋلەتتىك نىشانى، كورمە كەشەنىنىڭ ورتالىق ەلەمەنتى – «نۇر الەم» ۇلتتىق پاۆيلونىن دا قاراپ شىعىپ، قازاقستاننىڭ تاريحىمەن، مادەنيەتىمەن، سالت-داستۇرىمەن، كورىكتى جەرلەرىمەن، سونىمەن قاتار سوڭعى جەتىستىكتەرىمەن تانىستى. ايتا كەتەيىك، «نۇر الەم» - بۇل ديامەترى 80 مەتر، بيىكتىگى 100 مەتر بولاتىن الەمدەگى ەڭ سفەرالى عيمارات.

بۇدان وزگە، دەلەگاتسيا باسشىلارى «استانا ەكسپو-2017» ۇك» اق-نىڭ باسقارما باسشىسى احمەتجان ەسىموۆپەن جانە استانا قالاسىنىڭ اكىمى اسەت يسەكەشەۆپەن كەزدەستى.

كەزدەسۋ بارىسىندا رەسەيلىك قوناقتار «ەكسپو-2017» كورمەسى قازاقستاننىڭ ءارى قارايعى دامۋىنا كۇشتى يمپۋلس بولاتىنىنا سەنىم ءبىلدىرىپ، كورمەنىڭ  اۋقىمدىلىعىنا تاڭدانعاندارىن اتاپ ءوتتى.

«سونشالىق وراسان زور، اۋقىمدى ەكەنىن ءتىپتى باعالاۋ دا  قيىن. باستىسى  –  بۇل بولاشاققا. وسى ۇلى وقيعا تۋرالى ءالى تالاي ايتىپ جۇرەتىن بولادى،-دەپ سەنىم ءبىلدىردى يۋري بەرگ.

ول حالىقارالىق كورمەنىڭ قازىردىڭ وزىندە وڭىرلەر اراسىنداعى ءوزارا ارەكەتتى نىعايتۋعا جاعداي جاسايتىنىن باسا ايتتى. اتاپ ايتقاندا، ورىنبوردىڭ دارىندى بالالارى اقتوبە جانە ورىنبور وبلىستارىنىڭ وڭىرارالىق ىنتىماقتاستىعى اياسىندا «ەكسپو-2017» كورمەسىندە بولىپ قايتتى.

قوناقتار «ەكسپو-2017»  كورمەسىنىڭ 2,5 مىڭ شارشى مەترلىك اۋماققا  قۇلاش  جايعان بىرەگەي مادەني-تۋريستىك جانە يميدجدىك جوباسى - «ەتنواۋل» ۇلتتىق كەشەنىمەن دە تانىستى.

ساپاردىڭ قورىتىندىسىن جاساعان بەردىبەك ساپارباەۆ ەلىمىز اراسىنداعى ءداستۇرلى دوستىق قارىم-قاتىناستى  اتاپ ءوتتى.

«مەملەكەتتەرىمىزدىڭ باسشىلارى قاشان دا قازاقستان مەن رەسەيدىڭ ءبىر-ءبىرىن قولداۋلارى ءتيىس ستراتەگيالىق سەرىكتەستەر ەكەندەرىن باسا ايتادى. وڭىرلەرىمىز ءوزارا قارىم-قاتىناستىڭ بارلىق سپەكترى بويىنشا ىنتىماقتاستىقتى، سونىڭ ىشىندە ەكونوميكا، مادەنيەت، سپورت پەن ءبىلىم سالالارىن  ءارى قاراي دامىتۋعا نيەتتى. سوندىقتان، ءبىز رەسەيلىك ارىپتەستەرىمىزگە الدىڭعى قاتارلى تەحنولوگيالاردى كورسەتۋ ءۇشىن، ولاردى ەكسپو-عا ارنايى شاقىردىق. ءبىز بۇگىن كورگەن يننوۆاتسيالاردى ءبىزدىڭ بولاشاقتاعى ىنتىماقتاستىعىمىزدا مىندەتتى تۇردە ەسكەرەتىن بولامىز»،-دەدى  ب.ساپارباەۆ.

سونداي-اق، قوناقتار استاناداعى «ۇلتتىق مۇراجايدا»، «استانا وپەرا» تەاترىندا جانە «بارىس ارەنا» مۇز سارايىندا بولدى.

ەسكە سالايىق، ەڭ ءبىرىنشى بولىپ ەلباسى نۇرسۇلتان نازارباەۆ پاريجدە سويلەگەن سوزىندە «ەكسپو-2017» حالىقارالىق كورمەسىن جەڭىپ العان كۇندى «تاريحي كۇن» دەپ اتاعان بولاتىن. مىنە، سول تاريحي كۇن، تاريحي اي استانادا، «ەكسپو-2017» حالىقارالىق ارنايىلاندىرىلعان كورمەسى وسى جىلى 10 ماۋسىمدا باستالعان بولاتىن. وعان 115 ەل مەن 22 حالىقارالىق ۇيىمدار قاتىسۋدا. بۇگىندە تاۋەلسىز قازاقستاننىڭ ەڭ اۋقىمدى جوباسىنا 80 مىڭ اقتوبەلىك بارىپ ۇلگەردى.

Abai.kz