قر مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق ساياسي جۇمىس كوميتەتى 15-قىركۇيەك كۇنى ساعات 10:00-دە قازاقستان رەسپۋبليكاسىندا تىلدەردى دامىتۋ مەن قودانۋدىڭ 2011-2020 جىلدارعا ارنالعان مەملەكەتتىك باعدارلاماسىنا سايكەس، بۇقارالىق اقپارات قۇرالدارى تىلشىلەرىنىڭ ءسوز ساپتاۋىن، ءتىل مادەنيەتىن جەتىلدىرۋ، ءتىل نورمالارىن ساقتاۋ، بىلىكتىلىگىن ارتتىرۋ ماقساتىندا جۇرگىزۋشىلەر مەن جۋرناليستەر اراسىندا سەمينار-ترەنينگ وتكىزەدى.

اتالعان ءىس-شارا بارىسىندا حالىقتىڭ ايناسى مەن قۇلاعىنا اينالعان تىلشىلەردىڭ سويلەۋ مادەنيەتىن، ءسوز جۇيەسىن جەتىلدىرۋ جانە سوزدىك قورىن تولىقتىرۋ نەگىزىندە كاسىبي ماماندار شەبىرلىك ساباقتارىن كورسەتىپ، دارىستەر وقيدى. سەمينار-ترەنينگتىڭ سوڭىندا قاتىسۋشىلارعا ارنايى سەرتيفيكاتتار تابىستالاتىن بولادى.

وسىعان وراي، شارانىڭ ماڭىزدىلىعىن ەسكەرە وتىرىپ، ءسىزدىڭ مەكەمەڭىزدەن سەمينار-ترەنينگكە بىرقاتار جۋرناليستەردىڭ قاتىسۋىن قامتاماسىز ەتۋىڭىزدى جانە ۋاقىتتىڭ تىعىزدىعىنا بايلانىستى قاتىسۋشىلاردىڭ اتى-ءجونىن، لاۋازىمىن، بايلانىس تەلەفونىن، 5-قىركۇيەككە دەيىن tilalemi.kz@gmail.com ەلەكتروندى پوشتاسىنا جولداۋىڭىزدى سۇرايمىز دەپ حابارلايدى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق ساياسي جۇمىس كوميتەتى.

سەمينار-ترەنينگكە قاتىسۋعا ىنتالىلار مىنا بايلانىس تەلەفونى ارقىلى حابارلاسۋعا بولادى: 8 (7172) 27-98-36, 8 (701) 897 50 47.

اباي-اقپارات