استانا. 24 قاراشا. قازتاگ – ەلەنا پرەوبراجەنسكايا. قر پارلامەنت ءماجىلىسىنىڭ دەپۋتاتتارى سارسەنبى كۇنى القا وتىرىسىندا تەحتەكسەرۋ فۋنكتسياسىن باسەكەلەستىك ورتاعا بەرۋدى قاراستىرعان«مەحانيكالىق كولىك قۇرالدارى مەن ولارعا ارنالعان تىركەمەلەرىن مىندەتتى تەحنيكالىق بايقاۋدان وتكىزۋ ماسەلەلەرى جونىندەگى قازاقستان رەسپۋبليكاسىنىڭ زاڭنامالىق اكتىلەرىنە تولىقتىرۋلار مەن تۇزەتۋلەر ەنگىزۋ تۋرالى» زاڭ جوباسىن ءبىرىنشى وقىلىمىندا ماقۇلدادى.

بۇرىن حابارلانعانداي، زاڭ جوباسىنا ساي، تەحنيكالىق بايقاۋدان وتكىزۋدىڭ جاڭا ءتارتىبىن 2011-شى جىلدان باستاپ ەنگىزۋ قاراستىرىلعان. بۇل رەتتە 2011-ءشى جىلدىڭ شىلدەسىنە دەيىن وتپەلى كەزەڭ قاراستىرىلعان. زاڭ كۇشىنە ەنگەنگە دەيىن تەحتەكسەرۋمەن جول پوليتسياسى ورگاندارى اينالىساتىن بولادى.

قۇجاتقا ساي، ءىىم-دە تەحنيكالىق تەكسەرۋدى (تت) دەر كەزىندە ءوتىپ تۇرۋىن باقىلاۋ فۋنكتسياسى ساقتالادى. ككم ورتالىقتارداعى تت ساپاسىنا جانە تارتىبىنە باقىلاۋ جۇرگىزەدى. قر ۇكىمەتى تت وتكىزۋدىڭ ءتارتىبى مەن مەرزىمىن انىقتايدى.

استانا. 24 قاراشا. قازتاگ – ەلەنا پرەوبراجەنسكايا. قر پارلامەنت ءماجىلىسىنىڭ دەپۋتاتتارى سارسەنبى كۇنى القا وتىرىسىندا تەحتەكسەرۋ فۋنكتسياسىن باسەكەلەستىك ورتاعا بەرۋدى قاراستىرعان«مەحانيكالىق كولىك قۇرالدارى مەن ولارعا ارنالعان تىركەمەلەرىن مىندەتتى تەحنيكالىق بايقاۋدان وتكىزۋ ماسەلەلەرى جونىندەگى قازاقستان رەسپۋبليكاسىنىڭ زاڭنامالىق اكتىلەرىنە تولىقتىرۋلار مەن تۇزەتۋلەر ەنگىزۋ تۋرالى» زاڭ جوباسىن ءبىرىنشى وقىلىمىندا ماقۇلدادى.

بۇرىن حابارلانعانداي، زاڭ جوباسىنا ساي، تەحنيكالىق بايقاۋدان وتكىزۋدىڭ جاڭا ءتارتىبىن 2011-شى جىلدان باستاپ ەنگىزۋ قاراستىرىلعان. بۇل رەتتە 2011-ءشى جىلدىڭ شىلدەسىنە دەيىن وتپەلى كەزەڭ قاراستىرىلعان. زاڭ كۇشىنە ەنگەنگە دەيىن تەحتەكسەرۋمەن جول پوليتسياسى ورگاندارى اينالىساتىن بولادى.

قۇجاتقا ساي، ءىىم-دە تەحنيكالىق تەكسەرۋدى (تت) دەر كەزىندە ءوتىپ تۇرۋىن باقىلاۋ فۋنكتسياسى ساقتالادى. ككم ورتالىقتارداعى تت ساپاسىنا جانە تارتىبىنە باقىلاۋ جۇرگىزەدى. قر ۇكىمەتى تت وتكىزۋدىڭ ءتارتىبى مەن مەرزىمىن انىقتايدى.

«كولىك قۇرالدارىنىڭ تەحنيكالىق بايقاۋىن تەحنيكالىق تەكسەرۋ جۇرگىزۋگە ارنالعان ءتيىستى جەلىمەن جابدىقتالعان جەكەمەنشىك ورتالىقتار جۇرگىزەدى. ولار اۆتوماتتى تۇردە تەجەگىش جۇيەسىنىڭ، رۋلدىك باسقارۋدىڭ تيىمدىلىگىن، جارىق شامدارى مەن سىرتقا شىعارىلاتىن لاستاعىش گاز مولشەرىنىڭ ەكولوگياعا جانە ولاردىڭ جول قوزعالىسىنىڭ قاۋىپسىزدىگىنە  تيگىزەتىن اسەرىن انىقتايتىن  تۇراقتى جانە جىلجىمالى جەلىلەر»، - دەدى قر كولىك جانە كوممۋنيكاتسيا ءمينيسترى (ككم) ابىلعازى قۇسايىنوۆ، دەپۋتاتتارعا وسى زاڭعا ەنگىزىلەگەن تۇزەتۋلەر مەن تولىقتىرۋلاردى تانىستىرىپ تۇرىپ.

ككم باسشىسىنىڭ ايتۋىنشا، تەحنيكالىق بايقاۋ قورىتىندىسى بويىنشا ونى جۇرگىزگەن ورتالىقتار مىندەتتى تەحنيكالىق بايقاۋدان وتكەندىگى تۋرالى كۋالىك بەرەدى جانە كورسەتىلگەن قىزمەتىنىڭ ساپاسىنا دەگەن جاۋاپكەرشىلىكتى اتالعان ورتالىق ءوز موينىنا الادى.

تەحنيكالىق بايقاۋ ورتالىقتارىنىڭ قىزمەتكەرلەرىنىڭ ءوز جۇمىسىنا سالعىرتتىقپەن قاراعانى ءۇشىن 40 اەك (1اەك – ت1413) مولشەرىندەگى زاڭ الدىنداعى جاۋاپكەرشىلىك قاراستىرىلعان. سونداي-اق تەحنيكالىق بايقاۋدان وتكەندىگى تۋرالى سەرتيفيكات ءۇشىن 0,5 اەك مولشەرىندەگى مەملەكەتتىك باج سالىعى  قاراستىرىلعان.

ككم مالىمەتتەرىنشە، سوڭعى 10 جىلدا كولىك سانى 2 ەسەدەن ارتىق ءوسىپ، 1 ملن 500 مىڭ اۆتوموبيلدەن 3 ملن 300 مىڭ كولىككە جەتتى. ولاردىڭ تۇرلەرى مەن تەحنيكالىق جابدىقتالۋى دا ايتارلىقتاي وزگەردى. بۇل رەتتە كولىك قۇرالدارى پاركىنىڭ 80%-نان استامىنىڭ پايدالانۋ مەرزىمى 7 جىلدان اسقان، ونىڭ ىشىندە 520 مىڭ اۆتوكولىكتىڭ پايدالانۋ مەرزىمى 20 جىلدان اسقان.

ككم رەسپۋبليكادا تىركەلگەن اۆتوكولىكتەرگە تالداما جاساي وتىرىپ، رەسپۋبليكاداعى تەحنيكالىق بايقاۋ جۇرگىزەتىن ورتالىق جەلىلەرىنە دەگەن ەڭ تومەنگى قاجەتتىگىن بەكىتتى. ول جەڭىل اۆتوكولىكتەر ءۇشىن - 433 جەلى جانە جۇك كولىكتەرى ءۇشىن 150 جەلى دەپ بەكىتىلدى.