اۋىل تۇرعىندارىنىڭ سوزدەرىنە قاراعاندا، ولار جولدى بوگەگەن ساتتە، تۇرعىندارمەن مەملەكەتتىك ەكولوگيالىق-تەحنيكالىق ينسپەكتور بولات جاپپاروۆ ەرەگىسكەن. سونىڭ ناتيجەسىندە اۋىل تۇرعىنى بازاوگۇل ۇاراشباەۆ جاراقات الىپ، ونىڭ قان قىسىمى كوتەرىلگەن. قازىر ول ۇيىندە ەمدەلىپ جاتىر. ەكولوگ جاپپاروۆ مۇنداي مالىمدەمەلەردى جالا دەپ اتادى.

شولپاناتا اۋىلدىق باسقارماسىنىڭ باسشىسى اناربەك مامبەتوۆتىڭ حابارلاۋىنشا، تۇرعىنداردىڭ التىن كەنىشى وندىرىسىنە قارسى نارازىلىعى ءالى باسىلعان جوق، بىراق التىن وندىرۋگە ليتسەنزيا العان "تالبەك" كومپانياسى كەلىسسوزدەرگە بارعىسى جوق. ول 2 قىركۇيەكتە تۇرعىندار جولدى جاپقان ۋاقىتتا جانجال شىققانىن راستادى.

2006 جىلى "كاسسانا مينەرالس" كومپانياسى ۇزىن-اكمات-1 مەكەنىندەگى 600 گەكتار جەردى يگەرۋگە ليتسەنزيا العان، بىراق جەرگىلىكتى تۇرعىنداردىڭ نارازىلىعىنا بايلانىستى جۇمىسىن باستاي الماعان. جىل باسىندا ول ليتسەنزياسىن قازاقستاندىق "تالبەك" كومپانياسىنا ساتقان.

Abai.kz