مەن مەكتەپ بىتىرگەن جىلى اتام الماتىعا اپاردى. سوندا تۇراتىن تاعى ءبىر اتامنىڭ (كنب-نىڭ جوعارى شەندى قىزمەتكەرى) ۇيىنە توقتادىق. مəن-جايدى بىلگەن سوڭ، الماتىلىق اتام "كومەك كەرەك پە؟"دەدى. ەرتىپ بارعان اتام "مەنىڭ قىزىم بلاتپەن وقىمايدى. ۇيات بولادى. ءوز كۇشىمەن تۇسەدى " دەدى. ماعان قاتىستى əڭگىمە وسىمەن تəمام بولدى.

ەكەۋى تەرمە تىڭدادى. بىرىنەن سوڭ ءبىرىن قويادى. ۇلكەن قارا پلاستينكانى اۋدارىپ قويىپ، "جايلاۋكول كەشتەرى-اي!"دەگەن ءəنى بار (ەسىمدە سول عانا قالىپتى. ۇناعان سوڭ.) قايرات بايبوسىنوۆتىڭ دومبىرامەن ورىنداۋىنداعى بىرنەشە əندەردى تىڭدايدى. ءبىر كەزدە ەستەرىنە مەن ءتۇستىم بىلەم، الماتىلىق اتام "مىناۋ كىم، تانيسىڭ با؟" دەپ توردەگى ۇلكەەەن، جالعىز پورترەتتى كورسەتتى.

ءبىزدىڭ ۇيدە توردە ء(بىز كوزىن كورمەسەك تە əكەمنىڭ اناسى ەكەنىن بىلەتىنبىز) əجەمىزدىڭ پورترەتى، əكە-شەشەمىزدىڭ ۇيلەنگەن كەزدەگى سۋرەتى پورترەت بولىپ ءىلۋلى تۇراتىن. الماتىلىق اتام كورسەتكەن پورترەت تە بوتەن بىرەۋ ەمەس بولار دەگەن ويمەن ء"سىزدىڭ əكەڭىزدىڭ سۋرەتى ما؟" دەدىم. ەكى اتام كۇلدى. "سونى دا بىلمەيسىڭ بە؟"دەگەن كەيىپ تانىتقان الماتىلىق اتاما "بۇل قايدان بىلەدى؟ بۇدان بىلاي وقيتىن بولادى ول تۋرالى" دەپ ءوز اتام "اراشالاپ " قالدى.

- تۇرار رىسقۇلوۆ!، - دەدى الماتىلىق اتام. تانىماعانىما، ول جايلى سول كەزدە كوپ بىلمەگەنىمە ۇيالدىم با، ول جاعىن بىلمەيمىن. بىراق، "ونىڭ پورترەتى ناعىپ تۇر زال تامنىڭ تورىندە؟ تۋىسىمىز با نە؟" دەگەن ويدىڭ بولعانى انىق. سوڭعى سۇراققا ءوز اتام اۋىلعا قايتاردا "جوق" دەپ قىسقا قايىرىپ جاۋاپ بەرگەن. ال، "ونىڭ پورترەتى الماتىلىق اتامنىڭ ءۇيىنىڭ تورىندە ناعىپ تۇر؟" دەگەنگە سول بويى جاۋاپ تاپپاعانمىن. ء"Əلى بار ما سول سۋرەت " دەپ الماتىلىق اتامنىڭ ۇيىنە وسى كۇنى ءجيى باراتىن ىنىمنەن سۇراپ قويامىن. "بايقاعان ەمەسپىن " دەيدى. كوشكەن كەزدە ەسكى ۇيدە قالعان بولار. ..

ەكى كۇننەن (تۇننەن) بەرى شەرحان مۇرتازانىڭ "جۇلدىز كوپىر. قىل كوپىرىن" قايتا وقىپ جاتىرمىن. باياعى پورترەت ەسىمە ورالا بەرەدى. .. توقسانىنشى جىلدار كەلمەي جاتىپ-اق الماتىلىق اتام ونىڭ پورترەتىن تورىنە ءىلىپ قويىپ ەدى.

ءجاميلا ءمامىرالى

Abai.kz