ءماجىلىستىڭ پلەنارلىق وتىرىسىندا پالاتا توراعاسى نۇرلان نىعماتۋلين ءۇشىنشى سەسسيانىڭ اشىلۋىندا پرەزيدەنتتىڭ دەپۋتاتتىق كورپۋسقا قويعان مىندەتتەرىنە باسا نازار اۋداردى.

بارلىق ايتىلعان مىندەتتەردى ورىنداۋ ءۇشىن،  سونداي-اق، مەملەكەت باسشىسىنىڭ ستراتەگيالىق كۋرسىن زاڭنامالىق قولداۋدى قامتاماسىز ەتۋدە بىزگە ۇكىمەتتەن ۇسىنىلعان، سونداي-اق، ءوزىمىزدىڭ ارىپتەس-دەپۋتاتتاردىڭ باستاماسىمەن ازىرلەنەتىن زاڭ جوبالارىمەن جۇمىستى جۇيەلى جانە ساپالى تۇردە جالعاستىرۋىمىز قاجەت، - دەدى ن. نىعماتۋلين.

وسىعان وراي، پالاتا توراعاسى ماجىلىسكە ەنگىزىلگەن «2018-2020 جىلدارعا ارنالعان رەسپۋبليكالىق بيۋدجەت تۋرالى» جانە «قازاقستان رەسپۋبليكاسىنىڭ ۇلتتىق قورىنان 2018-2020 جىلدارعا ارنالعان كەپىلدەندىرىلگەن ترانسفەرت تۋرالى» كەدەندىك رەتتەۋ تۋرالى كودەكسىنىڭ جوبالارىنا توقتالدى.

كودەكس جوباسىمەن جۇمىس ىستەگەندە ءبىز ەلباسىنىڭ باسىمدىعىن باسشىلىققا الۋىمىز كەرەك. ول كەدەندىك راسىمدەردى قىسقارتۋ، «ءبىر تەرەزە» ءادىسىن قولدانۋ، ەلەكتروندىق دەكلاراتسيا جۇيەسىن دامىتۋ نەگىزىندە سۇرالاتىن قۇجاتتاردىڭ سانىن قىسقارتۋ تۋرالى.

ءماجىلىس سپيكەرىنىڭ ايتۋىنشا، جاقىن ارادا جوسپارلى تۇردە ۇكىمەتتەن تۇسەتىن سالىق تۋرالى باسقا دا مىندەتتى تولەمدەر بويىنشا كودەسك جوباسىمەن جۇمىستا وسىنداي ءادىستى باسشىلىققا الۋ قاجەت.

سونىمەن قوسا، ءماجىلىس توراعاسى زاڭ جوبالارىمەن جۇمىستا ادەتتەگىدەي اشىق تالقىلاۋ الاڭىندا وتەتىنىنە سەنىم ءبىلدىردى.

-ءبىزدىڭ الدىمىزدا كولەمدى زاڭ شىعارماشىلىق جۇمىستار تۇر. وتكەن سەسسيادا ەڭبەك ەتكەن داستۇرىمىزگە سايكەس اتالعان جۇمىستار زاڭ جوبالارىن مەملەكەتتىك ورگاندار، ساراپشىلىق قاۋىمداستىق، ازاماتتىق قوعام ينستيتۋتتارىنىڭ وكىلدەرىن كەڭىنەن تارتا وتىرىپ، اشىق پىكىر-تالاس الاڭىندا جانە وسىنىڭ بارلىعى بۇقارالىق اقپارات قۇرالدارىندا بەلسەندى تۇردە جاريالاۋمەن وتەتىن بولادى. قابىلدانعان زاڭدار بارىنشا باسەكەگە قابىلەتتى، پراگماتيكالىق جانە ەڭ جوعارعى ستاندارتتارعا جاۋاپ بەرە الاتىن، ياعني ەلىمىزدىڭ پرەزيدەنتى نۇرسۇلتان ءابىشۇلى نازارباەۆ بىزدەن تالاپ ەتەتىن ناق وسىنداي تاسىلدەردى ءبىز وسى سەسسياداعى جۇمىسىمىزدا باسشىلىققا الاتىن بولامىز – دەدى ن. نىعماتۋلين.

Abai.kz