قازاقتىڭ ءبىر سورى - رۋشىلدىق
قازاقتىڭ سورى كوپ قوي. كەدەيشىلىك، جوقشىلىق، جۇمىسسىزدىق، كورەالماۋشىلىق تاعى باسقا. بىراق سول سورلاردىڭ ىشىندە، ءوزىم ءۇشىن، ەرەكشە تۇرعان سور بار. ول - رۋشىلدىق.
ءبىز وزىمىزشە ەل بولدىق، اناۋ بولدىق، مىناۋ بولدىق دەپ كەۋدەمىزدى سوققىلايمىز. ال شىنداپ كەلگەندە رۋشىلدىق دەگەن ۇرىپ-ءورشىپ تۇر بىزدە.
باسى التىن بولسا دا، اتىراۋدا نايمان اكىم بولا الا ما؟
بەس-التى ءتىل بىلەتىن اداي وسكەمەندە اكىم بولا الا ما؟
قازاقستانعا ەڭبەگى سىڭگەن ەڭبەكقور قوڭىرات پەتروپاۆلعا اكىم بولا الا ما
الدە عىلىم مەن ءبىلىمدى تاۋىسقان ارعىن شىمكەنتكە اكىم بولا الا ما؟
بولا المايدى. جەپ قويامىز. "ىشىمىزدەن ادام تابىلمادى ما؟" دەگەن تىزەسى شىعىپ كەتكەن ءسوز تىركەسى شىعادى. استاناعا ارىز جازامىز، ەل ىشىندە ىرىتكى سالامىز. قىسقاسى كەلىمسەكتى قۋامىز.
ءبىزدىڭ بولىمدە 9 ادام جۇمىس جاسايدى. سول توعىزدىڭ بارلىعى توعىز ءتۇرلى رۋ-تايپانىڭ وكىلى. ماقتانعانىم ەمەس، بىراق ومىردە جەك كورەتىن ەكى نارسەم بار - ول رۋشىلدىق پەن كەدەيشىلىك. سول قاعيدانى بارشا اتقا مىنەر اعالارىمىز ۇستانىپ، قازاقتى بايىتىپ، رۋلاردى مي-پالاۋداي ارالاستىرىپ، ءبىر قازاق ۇلتىن جاساسا دەگەن تىلەگىم بار...
سامات نۇرتازا
Facebook-تەگى پاراقشاسىنان
