سولتۇستىك كورەيانى ناسيحاتتاۋمەن اينالىساتىن كورەيالىق ازيالىق -تىنىق مۇحيت كوميتەتى بۇۇ قاۋىپسىزدىك كەڭەسىن "زۇلىمدىق كۇشى" دەپ تاراتۋعا شاقىردى.

وندا سونىمەن بىرگە "جاپونيانىڭ ءتورت ارالى سۋعا باتۋى ءتيىس. بۇل ەل ءبىزدىڭ جانىمىزدا ءومىر سۇرۋگە ءتيىستى ەمەس" دەلىنگەن.

3 قىركۇيەكتە سولتۇستىك كورەيا التىنشى، ەڭ كۇشتى يادرولىق سىناق وتكىزگەننەن كەيىن سولتۇستىك ازياداعى جاعداي شيەلەنىسە ءتۇستى. بۇۇ-نىڭ قاۋىپسىزدىك كەڭەسى اقش ازىرلەگەن رەزوليۋتسيانى ءبىر اۋىزدان قابىلدادى. وندا سولتۇستىك كورەيادان توقىما ەكسپورتىنا تىيىم سالىنادى. سونىمەن بىرگە بۇل ەلگە مۇناي ونىمدەرىن جەتكىزۋدى قىسقارتادى.

چۋچحە – بۇل سولتۇستىك كورەيانىڭ باسقارۋشى يدەولوگياسى. مۇنى كحدر نەگىزىن قالاعان كيم ير سەن ويلاپ تاپقان. ول قازىرگى ليدەر كيم چەن ىننىڭ اتاسى.

Abai.kz