تاعى ءبىر قىزدى قۇلدىقتان، جەزوكشەلىكتەن قۇتقارىپ قالدىق!
بۇگىن كەشكى ساعات توعىزدا قىزى تۇركياعا جۇمىس ىستەيمىن دەپ كەتىپ، جەزوكشەلىككە ساتىلعان قىزدىڭ اناسى جىلاپ كەلدى.
تۇركيا مەملەكەتىندە ىستامبۋل قالاسىنداعى باس كونسۋلدىعىندا جۇمىس ىستەيتىن جىگىتتەرگە كومەك سۇراپ شىقتىم. جىگىتتەردىڭ جەدەل جۇمىس ىستەۋىنىڭ ارقاسىندا قىز قۇلدىقتان قۇتقارىلىپ ەرتەڭ قۇجاتتارى وزىنە قايتارىلىپ ەلگە جىبەرىلەتىن بولدى.
وزگە ەلدە جۇمىس ىستەپ جۇرگەن جىگىتتەرىمىزگە، اتاپ ايتساق تاۋكەxان پوشانوۆ، دۋمان قىزىر، ابىلاي اماندىقوۆتارعا كوپ-كوپ راقمەت! جەدەل جۇمىس ىستەۋ دەپ وسىنى ايتادى.
قىزىن جوقتاپ جىلاپ وتىرعان انانىڭ العىسى شەكسىز. انالار جىلاماسىن!
ال قىزدار سىزدەرگە ايتارىم شەت ەلگە شىعىپ جۇمىس ىستەۋ جاقسىلىققا əكەلمەيدى. الاياقتارعا الدانىپ قالماڭىزدار!
ايگۇل ورىنبەك
Facebook-تەگى پاراقشاسىنان
