استانا. 30 قاراشا. قازتاگ – ايناگۇل بەكەەۆا. سوتتالعان «الما-اتا ينفو» گازەتىنىڭ باس رەداكتورى رامازان ەسەرگەپوۆتىڭ ايەلى - راۋشان كۇيەۋىنىڭ قاماۋدان بوساتىلۋىنا اقش مەملەكەتتىك حاتشىسىنىڭ تىكەلەي ءوزىنىڭ ارالاسۋىن سۇرادى.

«وكىنىشكە قاراي مەنىڭ ەلىم – ەقىۇ-عا توراعا- قاماۋدا جۋرناليست ەسەرگەپوۆتى، مەنىڭ كۇيەۋىمدى، ونى بوساتاتىن ۋاقىت جەتكەنىنە قاراماي، ۇستاپ وتىر. مەن ونىڭ بوساتىلۋىنا ەش سەنبەيمىن... مەن ءتىپتى پرەزيدەنت ن. نازارباەۆقا دا حات جازدىم. ەشقانداي ناتيجە جوق. ءسىز بۇل فاكتىگە قالاي قارايسىز؟ جانە مەن كۇيەۋىمنىڭ تۇرمەدەن بوساتىلۋىنا ءسىزدىڭ تىكەلەي ءوزىڭىزدىڭ ارالاسۋىڭىزدى سۇراي الامىن با؟»، - دەدى ول اقش مەملەكەتتىك حاتشىسى حيللاري كلينتوننىڭ استاناداعى ەۋرازيالىق ۋنيۆەرسيتەتتەگى قازاقستاندىق جانە حالىقارالىق ازاماتتىق قوعام وكىلدەرىمەن كەزدەسۋىندە.

ءوز كەزەگىندە ح. كلينتون «الما-اتا ينفو» گازەتىنىڭ رەداكتورىنىڭ باسىنداعى وقيعاعا وكىنىش ءبىلدىردى.

«مەن كەلەسىدەي دەگەن بولار ەدىم – بىرىنشىدەن، ءبىز زاڭنىڭ باسىمدىعىن قولدايمىز. جانە ءاربىر سوتتالعاندا ادۆوكاتى بولۋى ءتيىس دەپ ەسپتەيمىز. بۇل ادامنىڭ تۇبەگەيلى قۇقىعى بولىپ تابىلادى»، - دەدى مەمحاتشى.

ەكىنشىدەن، ح. كلينتوننىڭ ايتۋىنشا، قازىرگى ۋاقىتتا جۋرناليستەر قورعاۋسىز، وسال. «جۋرناليستەردى بارلىق ەلدەردە دە، اسىرەسە حەلسينكي پرينتسيپتەرىنە قول قويعان ەقىۇ ەلدەرىندە تۇرمەگە وتىرىعىزىپ جاتىر، ولتىرۋدە. جۋرناليستەر بىرىگىپ قورعانۋى ءتيىس»، - دەدى ول جانە مەملەكەت باسشىلارىمەن كەزدەسۋىندە «بارلىق كەزدە دە سوتتالعاندار ماسەلەسىن، اسىرەسە سوتتالعان جۋرناليستەر ماسەلەسىن كوتەرەتىنىن» قوسىپ ايتتى.

بۇرىن حابارلانعانداي، ر. ەسەرگەپوۆ 2009 جىلى 6 قاڭتاردا جامبىل وبلىستىق ۇقكد قىزمەتكەرلەرىمەن قاماۋعا الىندى. وعان قاتىستى قر قىلمىستىق كودەكسىنىڭ «مەملەكەتتىك قۇپياسى بار مالىمەتتەردى زاڭسىز جيناۋ جانە تاراتۋ» جانە «قىزمەت بابىن تەرىس ماقساتتا پايدالانۋ» باپتارى بويىنشا ايىپ تاعىلدى. بۇعان «الما-اتا ينفو» گازەتىندە 2008 جىلدىڭ 21 قاراشاسىندا «كتو ۋپراۆلياەت ناشەي سترانوي: پرەزيدەنت يلي كنب؟» دەگەن ماقالانىڭ جارىق كورۋى سەبەپ بولدى، وندا جامبىل وبلىسى بويىنشا ۇقكد باستىعى قوزباسار نۇربەكوۆ پەن ۇقك توراعاسى امانگەلدى شابدارباەۆتىڭ قىزمەتتىك حاتى جاريالانعان. ارناۋلى قىزمەت وكىلدەرىنىڭ باعالاۋىنشا، بۇل حات قۇپيا قۇجاتتارعا جاتادى. قۇقىق قورعاۋشىلار بۇل ايىپتاۋدىڭ ساياسي استارى بار دەپ ەسەپتەيدى.

دەگەنمەن، 2009-شى جىلعى تامىزدا تاراز قالالىق №2-ءشى سوت ۇكىمىمەن ەسەرگەپوۆ جازاسىن جالپى تارتىپتەگى كولونيادا وتەيتىندەي 3 جىلعا سوتتالدى. وعان سونداي-اق جۋرناليستىك جانە باسپاگەرشىلىك جۇمىسپەن ەكى جىل بويىنا اينالىسۋىنا تىيىم سالىندى.