بوبومۋرود ابدۋللاەۆ ارنايى قىزمەتتىڭ اباقتىسىندا وتىر
وزبەكستاندىق جۋرناليست بوبومۋرود ابدۋللاەۆ تاشكەنتتە ۇلتتىق قاۋىپسىزدىك كوميتەتىنىڭ تەرگەۋ يزولياتورىندا وتىر. وعان قانداي ايىپ تاعىلعانى ازىرگە بەلگىسىز.
ءبىر كۇن بۇرىن ابدۋللاەۆتىڭ ۇيىنە ءتىنتۋ جۇرگىزىپ، كومپيۋتەرى مەن ديسكىلەرىن جانە «مۇحاممەد پايعامباردىڭ ءومىربايانى» دەگەن كىتابىن تاركىلەگەن.
ابدۋللاەۆ ىسىنە قاتىستى ءبىرىنشى سوت تىڭداۋى 1 قازاندا بولادى دەپ كۇتىلگەن. وعان ادۆوكاتى مۋنوجون پارپيەۆتى دە جىبەرمەگەن.
باستاپقىدا جۋرناليست تاشكەنتتىڭ يۋنۋساباد اۋدانىندا ۇرلىق جاسادى دەگەن كۇدىككە ىلىنگەن. كەيىننەن ونىڭ ىسىمەن ارنايى قىزمەتتىڭ تەرگەۋشىلەرى اينالىسىپ جاتقانى بەلگىلى بولدى.
44 جاستاعى سپورت ءجۋرناليسى بوبومۋرود ابدۋللاەۆ وتكەن سارسەنبىدە ۇشتى-كۇيلى جوعالىپ كەتتى. ەكى كۇن وتكەننەن كەيىن تۋىستارى ونىڭ ۇستالعانىن بىلگەن. بوبومۋرود ابدۋللاەۆ بىرنەشە جىل قاتارىنان تاشكەنتتە بەيبىتشىلىك جانە سوعىس (IWPR) بريتاندىق ينستيتۋتتىڭ جانە «ينتەرنيۋس» حالىقارالىق ۇيىمنىڭ ءتىلشىسى بولىپ جۇمىس ىستەدى. سوڭعى ۋاقىتتا ول وزبەك فۋتبولىن سىنعا الىپ جۇرگەن.
Abai.kz
