استانادا نايب ءمۇفتي سەرىكباي قاجى ورازدىڭ توراعالىعىمەن وتكەن قازاقستان مۇسىلماندارى ءدىني باسقارماسى ورتالىق اپپاراتىنىڭ كەزەكتى جينالىسىندا وسىنداي تاپسىرما بەرىلدى. ەلىمىز بويىنشا ۋاعىز-ناسيحات جۇمىستارىنىڭ بىرىڭعاي ءتارتىبى مەن ادەبى تۋرالى ارنايى ەرەجەنى ازىرلەۋ قمدب ۋاعىز-ناسيحات بولىمىنە جۇكتەلدى.

«وزدەرىڭىز جاقسى بىلەسىزدەر، الەۋمەتتىك جەلىلەر مەن ەلەكتروندى اقپارات قۇرالدارىندا كەيبىر تۇلعالار ۋاعىز ايتۋ بارىسىندا قوعامىمىزدا قالىپتاسقان قۇندىلىقتاردى، حالقىمىزدىڭ سان عاسىرلىق ءداستۇرى مەن عۇرپىن، جۇرتىمىزدىڭ باي مۇرالارىن ەسكەرمەۋدە. سونىمەن قاتار، ءمۇفتيات عالىمدارى ايتۋى ءتيىس ءدىني تەرەڭ ماسەلەلەر توڭىرەگىندە ۇكىم بەرىپ، ءپاتۋاسىن شىعارىپ جىبەرۋدە. سونىڭ سالدارىنان قوعامدا ازاماتتار مەن جاماعات اراسىندا تۇسىنبەۋشىلىكتەر كورىنىس تاۋىپ قالۋدا. بۇل ماسەلەنى دەر كەزىندە قولعا الىپ، ۋاعىز ايتۋدىڭ بىرىڭعاي ادەبى، ءتارتىبى تۋرالى ەرەجە قابىلداۋىمىز كەرەك»، – دەپ اتاپ ءوتتى قمدب توراعا ورىنباسارى، «ازىرەت سۇلتان» مەشىتىنىڭ باس يمامى سەرىكباي قاجى وراز.

اتالعان قۇجات قمدب بەكىتكەن تاقىرىپتار بويىنشا ۋاعىز-ناسيحات جۇمىستارىنىڭ جۇرگىزىلۋىنە جول اشپاق.

Abai.kz