قىرعىزستان ۇكىمەتى اپپاراتىنىڭ اقپاراتتىق قامتاماسىز ەتۋ ءبولىمىنىڭ حابارلاۋىنشا، ۇندەۋ جولداۋعا "قازاقستاننىڭ دسۇ قۇرۋ تۋرالى كەلىسىمدى جانە وسى ۇيىمنىڭ تاريف پەن ساۋدا تۋرالى نەگىزگى كەلىسىمىنىڭ تالاپتارىن بۇزۋى" سەبەپ بولعان.

قىرعىزستان ۇكىمەتى ۇندەۋىندە قازاقستان "10 قازاندا اياق استىنان قازاقستان-قىرعىزستان جانە قازاقستان-رەسەي شەكارالارىندا قوسىمشا قاداعالاۋ شارالارىن ەنگىزگەنىنەن" حاباردار ەتەدى. قازاقستان جاعى قوسىمشا شارالار ەنگىزگەن سوڭ شەكاراداعى ادام كوپ وتەتىن قىرعىزستاننىڭ "اق-جول" جانە "اق-تىلەك" وتكىزۋ بەكەتتەرىنەن ورتا ەسەپپەن كۇن سايىن وتەتىن ادام مەن كولىك سانى ەكى جارىم ەسەگە ازايعان. مالىمدەمەدە دسۇ-عا مۇشە قازاقستان سياقتى قىرعىزستان دا "وسى ۇيىم اياسىندا ءوزىنىڭ قۇقىعىن قورعايتىنى" ايتىلادى.

كەشە قىرعىزستاننىڭ ەكونوميكا مينيسترلىگى شەكاراداعى جاعدايعا بايلانىستى ەۋرازيا ەكونوميكالىق وداعىنا (ەاەو) جۇگىنگەنىن حابارلاعان. قازاقستان ۇلتتىق ەكونوميكا ءمينيسترى تيمۋر سۇلەيمەنوۆ 17 قازاندا شەكاراداعى تەكسەرۋدىڭ كۇشەيگەنىن "ساياسيلاندىرماۋعا" شاقىرعان.

Abai.kz